અયોધ્યા ચુકાદા પર મુસ્લિમ પર્સનલ લૉ બોર્ડ સમીક્ષા પિટિશન ફાઇલ કરશે

0
665

ઓલ ઈન્ડિયા મુસ્લિમ પર્સનલ લો બોર્ડે કહ્યું છે કે તે અયોધ્યા અંગે સુપ્રીમ કોર્ટના નિર્ણય સામે સમીક્ષા અરજી દાખલ કરશે. આ સિવાય એઆઈએમપીએલબીએ કહ્યું કે તે મસ્જિદની જગ્યાએ આપેલી 5 એકર જમીન મંજૂર નથી. મુસ્લિમ પર્સનલ લૉ બોર્ડે કહ્યું કે તે અન્ય જમીન મેળવવા માટે કોર્ટમાં ગયા ન હતા, તેમને તે જ જમીન જોઈએ જ્યાં બાબરી મસ્જિદ હતી.

લખનૌમાં હાઇ વોલ્ટેજ ડ્રામા વચ્ચે આજે ઓલ ઈન્ડિયા મુસ્લિમ પર્સનલ લૉ બોર્ડની લાંબી બેઠક યોજાઇ. શરૂઆતમાં, આ બેઠક નડવા ઇસ્લામિક સેન્ટરમાં યોજાવાની હતી, પરંતુ એઆઈએમપીએલબીના ઘણા સભ્યોને કોઈ શૈક્ષણિક સંસ્થામાં મીટિંગ કરવાનું પસંદ ન હતું, ત્યારબાદ એઆઈએમપીએલબીની આ બેઠક લખનઉની મુમતાઝ કોલેજમાં થઈ હતી.

બેઠક બાદ પત્રકાર પરિષદમાં એઆઈએમપીએલબીના સભ્ય કાસિમ રસુલ ઇલ્યાસે કહ્યું હતું કે સુપ્રીમ કોર્ટના આ નિર્ણય સામે સમીક્ષા અરજી દાખલ કરવામાં આવશે. એઆઈએમપીએલબીએ જણાવ્યું હતું કે મુસ્લિમો અન્ય કોઈ જમીન મસ્જિદની જગ્યાના બદલે સ્વીકારી શકતા નથી અને બાબરી મસ્જિદની જમીન મુસ્લિમોને ન્યાયના હિતમાં આપવી જોઈએ. એઆઈએમપીએલબીએ કહ્યું હતું કે મુસ્લિમો સુપ્રીમ કોર્ટમાં તેમના હક માટે ગયા હતા અન્ય કોઈ સ્થળે જમીન માટે ગયા નહોતા, પરંતુ મસ્જિદની જમીન મેળવવા માટે સુપ્રીમ કોર્ટમાં ગયા હતા.

LEAVE A REPLY

Please enter your comment!
Please enter your name here