અરવલ્લી : PNB બેંકમાં અરજદારને કડવો અનુભવ, 1 હપ્તો ચૂકવ્યા બાદ બીજા હપ્તા આપવાની ના પાડી દીધી !

સરકાર વિદ્યાર્થીઓના અભ્યાસ માટે બેંકમાંથી લોન આપી મદદરૂપ થવાના વાયદાઓ કરવામાં આવે છે, પણ કેટલીક બેંકો માત્ર કાગળ પર અમલવારી કરતું હોય તેવું લાગી રહ્યું છે. વડોદરાની એક ખાનગી સ્કૂલમાં કેમ્પસ ડાયરેક્ટર તેમજ કટાર લેખક ડૉક્ટર સંતોષ દેવરકરને પંજાબ નેશનલ બેંકનો આવો જ કડવો અનુભવ થયો છે. અરજદારે તેમના પુત્રને વિદેશ જવા માટે મોડાસાની પંજાબ નેશનલ બેંક 15 લાખ રૂપિયાની લોન લેવા માટે અરજી કરી હતી, જે અનુસંધાને તેમને લોન મંજૂર થઇ પ્રથમ હપ્તો બે લાખ રૂપિયા તેમના ખાતામાં જમા પણ થઇ ગઇ, પણ ત્યારબાદ વધુ નાણાં આપવાની બેંક દ્વારા ના પાડવામાં આવતા તેમની પર જાણે આભ તૂટી પડવા જેવ સ્થિતિ બની છે. બેંક દ્વારા લોન પેટે વધુ નાણાં ન આપવાનું કારણ આંતરિક કાયદાઓના ફેરફાર હોવાનું જણાવે છે.

[gallery td_gallery_title_input="અરવલ્લી : PNB બેંકમાં અરજદારને કડવો અનુભવ, 1 હપ્તો ચૂકવ્યા બાદ બીજા હપ્તા આપવાની ના પાડી દીધી !" td_select_gallery_slide="slide" size="large" ids="105614,105615,105616"]

બેંકમાંથી લોન મંજૂર થવાથી બેંક દ્વારા અરજદારના ખાતામાં 2 લાખ રૂપિયા ચુકવાતા તેમના પુત્રને ફિલિપિન્સ અભ્યાસ અર્થે મોકલી દીધો છે. હવે પરિસ્થિતિ એ થઇ છે કે, બેંક દ્વારા બીજી હપ્તા આપવાની ના પડાતા પિતા મુશ્કેલીમાં મુકાઇ ગયા છે. પરિસ્થિતિમાં બેંક દ્વારા કોઇ કાર્યવાહી નહીં કરવામાં આવે તો વિદ્યાર્થીનું ભાવી અંધકારમય થવાની શક્યતાઓ છે.