Top
Connect Gujarat

ચીન વર્ષ 2017 માં અવકાશમાં 30 મિશન મોકલશે

ચીન વર્ષ 2017 માં અવકાશમાં 30 મિશન મોકલશે
X

ચાઇના દ્વારા વર્ષ 2017માં 30 સ્પેશ લોન્ચ મિશન હાથ ધરીને દેશના અવકાશ ક્ષેત્રે એક વિક્રમી ઇતિહાસ રચવામાં આવશે.

સૂત્રોના જણાવ્યા અનુસાર ચાઈનાના સૌથી મોટા રોકેટ વાહક લોંગ માર્ચ-5 અને બીજા લોંગ માર્ચ-7 દ્વારા સૌથી વધુ મિશન હાથ ધરવામાં આવશે.

લોંગ માર્ચ-5 કાર્યક્રમના ડિરેક્ટર જનરલ વાંગ યૂએ જણાવ્યું હતું કે વર્ષ 2017 ચીન માટે રોકેટ વાહક ક્ષેત્રે જટિલ વર્ષ છે અને લોંગ માર્ચ-5 દ્વારા ચેન્જ-5 ના વાહનની ચકાસણી થશે તેમજ ચંદ્ર પરની જમીનના નમૂનાઓ એકત્રિત કરીને પૃથ્વી પર પરત ફરશે.

આ સાથે ચીનના માનવ અવકાશ એન્જીનિયરિંગ ઓફિસ ના ડિરેક્ટર વાંગ ઝ્હૉયૉના અનુસાર તેના વધુ શક્તિશાળી વર્ઝન લોન્ગ માર્ચ 2 દ્વારા વર્ષ 2017 ના 6 માસના સમયગાળામાં ચીનના પ્રથમ કાર્ગો અવકાશયાન ટીએનઝોઉ-1 ને અવકાશમાં મોકલવામાં આવશે.

અત્રે ઉલ્લેખનીય છે કે ચીન દ્વારા વર્ષ 2015 માં 19 અને 2016 માં 22 લોન્ચ મિશન હાથ ધરવામાં આવ્યા હતા તેમજ જૂન 2016 માં લોન્ગ માર્ચ 7 રોકેટનું પણ સફળ પરીક્ષણ કરવામાં આવ્યું હતું અને હવે તે નવા રોકેટમાં વપરાતા ઝેરી રોકેટ ઇંધણ નો ઉપયોગ ક્રમશ ઘટાડવા તરફ પ્રયાસ કરી રહ્યું છે.

Next Story
Share it