Connect Gujarat

જમ્મુ કાશ્મીર : ત્રાલમાં આતંકીઓ સાથે થયેલી અથડામણમાં સુરક્ષાદળોને મોટી સફળતા,ત્રણ આતંકવાદીઓને કર્યા ઠાર 

જમ્મુ કાશ્મીર : ત્રાલમાં આતંકીઓ સાથે થયેલી અથડામણમાં સુરક્ષાદળોને મોટી સફળતા,ત્રણ આતંકવાદીઓને કર્યા ઠાર 
X

જમ્મુ કાશ્મીરના ત્રાલમાં આતંકીઓ સાથે થયેલી અથડામણમાં સુરક્ષાદળોને મોટી સફળતા મળી હતી. અથડામણમાં સુરક્ષાદળોએ મંગળવારે ત્રણ આતંકીઓને ઠાર કર્યા હતા. પ્રાપ્ત જાણાકારી અનુસાર આ ત્રણેય આતંકીઓ જૈશ-એ-મોહમ્મદના હતા. જેમાં બે વિદેશી હોવાની વાત સામે આવી છે.

જો કે, સેના તરફથી આ ત્રણેય આતંકીઓની ઓળખ જાહેર કરી નથી. જમ્મુ કાશ્મીર પોલીસે જણાવ્યું કે આ વિસ્તારમાં આતંકીઓ હોવાની જાણકારી મળ્યા બાદ સર્ચ ઑપરેશન હાથ ધર્યું હતું. તેના બાદ ઘર્ષણ થયું હતું.

ઉલ્લેખનીય છે રવિવારે સેનાએ આતંકીઓના ચાર કેમ્પ ઉડાવી દીધાં હતા. જેના બાદ કાશ્મીરમાં આ પ્રથમ અથડામણ છે. સેનાના વડા બિપિન રાવતે જણાવ્યું હતું કે ફાયરિંગમાં ઓછામાં ઓછા છ પાકિસ્તાની સૈનિકો માર્યા ગયા છે. 20 ઓક્ટોબરે તંગધાર સેક્ટરમાં પાકિસ્તાન દ્વારા કરેલા સીઝફાયરના ઉલ્લંઘનમાં બે ભારતીય જવાન શહીદ થયા હતા.

Next Story
Share it