Connect Gujarat

નાગરિકતા બિલ આજે રાજ્યસભામાં થશે રજૂ, સરકારની આકરી કસોટી, જાણો કોના પાસે કેટલા સભ્યો

નાગરિકતા બિલ આજે રાજ્યસભામાં થશે રજૂ, સરકારની આકરી કસોટી, જાણો કોના પાસે કેટલા સભ્યો
X

સોમવારે નાગરિક સુધારણા બિલ

લોકસભામાં સરળતાથી પસાર થઈ ગયું છે. હવે આ બિલ આજે રાજ્યસભામાં રજૂ કરવામાં આવશે.

રાજ્યસભાની કાર્યવાહીની સૂચિ મુજબ આ બિલ પર બપોરે 2 વાગ્યે ચર્ચા શરૂ થશે.

રાજ્યસભામાં આ બિલ પર ચર્ચા માટે 6 કલાકનો સમય નક્કી કરવામાં આવ્યો

છે. મોદી સરકારની ખરી કસોટી ત્યારે થશે જ્યારે ચર્ચા પછી રાજ્યસભામાં બિલ પસાર

કરવામાં આવશે. આ દરમિયાન રાજ્યસભામાં હોબાળો થવાની સંભાવના છે કારણ કે, ભાજપ તેમ જ કોંગ્રેસ, ટીએમસી અને સપાએ પણ તેમના

સાંસદોને રાજ્યસભામાં હાજર રહેવા માટે ત્રણ લાઈન વ્હીપ જારી કર્યું છે.

નોંધનીય છે કે નાગરિક

સુધારણા બિલની તરફેણમાં જેડીયુ, શિવસેના, બીજેડી

અને ઉત્તરપૂર્વના કેટલાક પક્ષો એક સાથે આવવાના કારણે, સરકારને

લોકસભામાં આ બિલ પસાર કરવામાં કોઈ મુશ્કેલી નહોતી થઈ. પરંતુ શિવસેનાના વડા અને

મહારાષ્ટ્રના મુખ્યમંત્રી ઉદ્ધવ ઠાકરેએ રાજ્યસભામાં ટેકો આપવાની શરત મૂકીને

સરકારની મુશ્કેલીમાં વધારો કર્યો છે. પરંતુ જો આપણે રાજ્યસભાના પક્ષના ડેટા જોઈએ, તો મોદી સરકાર તેને અહીં પણ સરળતાથી પસાર કરી શકે છે.

121 મતોની જરૂર છે

રાજ્યસભામાં 245 સભ્યો છે.

પરંતુ હાલમાં પાંચ બેઠકો ખાલી છે. જેના કારણે રાજ્યસભામાં કુલ સભ્યોની સંખ્યા 240

છે. આનો અર્થ એ છે કે જો ગૃહના બધા સભ્યો બિલ માટે મત આપે છે, તો

બહુમતી માટે 121 મતોની જરૂર પડશે.

ભાજપ પાસે 127 મત છે

રાજ્યસભામાં નાગરિક સુધારા

બિલ પસાર કરવા માટે, મોદી સરકારને જોઈતી સાંસદોની સંખ્યા કરતા વધુ સંસદસભ્યો તેમના પક્ષમાં મત

આપી શકે છે. તમને જણાવી દઈએ કે રાજ્યસભામાં ભાજપ 83, જેડીયુ

6, એઆઈએડીએમકે 11, બીજેડી 7, એસએડી 3, આરપીઆઈ 1, એલજેપી

1, વાયએસઆર કોંગ્રેસ 2, ટીડીપી

2, એજીપી 1, બીપીએફ 1 , એનપીએફનો 1, એસડીએફનો 1, નામાંકિત સભ્યો 3, અપક્ષ અને 4 અન્ય સભ્યો સાથે

કુલ 127 સાંસદ જે બિલની તરફેણમાં મત આપી શકે છે. પરંતુ સરકારના પક્ષના બે સાંસદો

પણ આરોગ્યના કારણોને લીધે ગેરહાજર હોઈ શકે છે.

વિપક્ષ પાસે માત્ર 113 મત છે

જે પક્ષો આ બિલનો વિરોધ કરી

રહ્યા છે, રાજ્યસભામાં તેમની કુલ સંખ્યા ફક્ત 113 છે. બિલના વિરોધમાં કોંગ્રેસના 46, ટીએમસીના 13, એનસીપીના 4, એસપીના 9, આપના 3, બસપાના

4, સીપીઆઈના 1, સીપીએમના 5, ડીએમકેના 5, આઈયુએમએલના 1, પીડીપીના 2, જેડીએસના 1, કેરળ કોંગ્રેસ એમકેનો 1, એમડીએમકે 1, પીએમકે 1, આરજેડી 4, શિવસેના 3, ટીઆરએસ 6, 1 નામાંકિત સભ્ય અને 2 અપક્ષ અને અન્ય સાથે કુલ 113 સાંસદો છે. અપેક્ષા

મુજબ આજે રાજ્યસભામાં વિપક્ષના બધા સભ્યો હાજર રહી શકે છે.

આ કારણે શિવસેનાએ પોતાનો

નિર્ણય બદલ્યો

કોંગ્રેસના સૂત્રો અનુસાર

શિવસેનાએ લોકસભામાં બિલની તરફેણમાં મત આપતાં પાર્ટીનું ટોચનું નેતૃત્વ નારાજ છે.

અને આ સાથે સંબંધિત સ્પષ્ટ સંદેશ મહારાષ્ટ્રમાં રચાયેલા ગઠબંધન સુધી પહોંચાડવામાં

આવ્યો હતો. અને આ જ કારણે શિવસેનાએ 24 કલાકની અંદર બિલ અંગે પોતાનું વલણ બદલી

લીધું.

Next Story
Share it