પડધરી: તરઘડીની પેઢીમાંથી 67લાખનો શંકાસ્પદ ઓઇલનો જથ્થો ઝડપી પાડયો

પડધરી નજીક આવેલ તરઘડીની એક પેઢીમાં મામલતદારની ટીમે દરોડો પાડી રૂ.44 લાખનો શંકાસ્પદ ઓઈલનો જથ્થા સહિત કુલ 67.62લાખનો મુદ્દામાલ કબ્જે કર્યોે છે. તરઘડીના આકાશવાણી યાર્ડ-2માં સાગર અન્ટરપ્રાઈઝમાં ગેરકાયદે ઓઈલ હોવાની બાતમીના આધારે પડધરી મામલતદાર ભાવનાબેન વિરોજા સહિતની ટીમે દરોડા પાડયા હતા.

પેઢીમાં ચકાસણી કરતા અનઅધિકૃત રીતે એલ.ડી.ઓ.જેવું ઓઈલ હોવાનું માલુમ પડયું હતું. ત્યારે ઝિણવટભરી તપાસ હાથ ધરતા પેઢીમાં અનઅધિકૃત રીતે 84270 લીટર જથ્થો મળી આવેલ હતો.

આ દરમિયાન પેઢીએ ખરીદ કરેલ ઓઈલના બીલમાં પણ કેટલાક ગોટાળા ખુલ્યુ હતા.પેઢીએ ઓઈલનું કરેલ વેચાણ મુજબનો જથ્થો પણ ન હતો આમ ખોટા બીલીંગ કરી વહેંચાણ ચાલતું હોવાનું પ્રાથમિક અનુમાન વ્યકત કરવામાં આવ્યું છે.

પડધરી મામલતદારની ટીમે અલગ-અલગ ચાર ટેંક માંથી તેમજ બે ટેન્કરમાંથી શંકાસ્પદ 84270 લીટર ઓઈલની જથ્થો મળી આવતા સાગર એન્ટરપ્રાઈઝના માલિક સોહિત અલ્લારખા સીહાતર અમીયોદ્ય પેટ્રોકેમ પ્રોડકટ્સ પ્રા.લીનું ટેન્કર ને.જીજે 06 એ.એકસ 9629 અને કચ્છ ભૂજના કરશનભાઈ કનૈયાભાઈ ગઢવીનું ટેન્કર જીજેન્ટઝેડ 9636 જપ્ત કરવામાં આવ્યું છે.