Connect Gujarat
ગુજરાત

ભરૂચ-અંકલેશ્વરનાં માર્ગો ઉપર રખડતા ઢોરોનો ત્રાસ, તંત્ર ઘોર નિંદ્રામાં

ભરૂચ-અંકલેશ્વરનાં માર્ગો ઉપર રખડતા ઢોરોનો ત્રાસ, તંત્ર ઘોર નિંદ્રામાં
X

ભરૂચ અને અંકલેશ્વરનાં શહેરી વિસ્તારોમાં રખડતા ઢોર રસ્તા ઉપર અડિંગો જમાવીને બેસી જાય છે. જેના કારણે અનેક વખત અકસ્માતો પણ સર્જાઈ રહ્યા છે. સાથે શાળાએ જતાં બાળકો તથા મહિલાઓ, વૃધ્ધો સહિત વાહનચાલકોનાં જીવ જોખમમાં મુકાઈ રહ્યા છે. અંકલેશ્વર નગર પાલિકા, નોટીફાઈડ એરિયા તથા ભરૂચ નગર પાલિકા વિસ્તારમાં હરાયા ઢોરને લઈને તંત્ર દ્વારા પ્રતિબંધ માટેનું જાહેરનામું બહાર પાડી દેવામાં આવે છે. પરંતુ તેની અમલવારી કરવામાં તંત્ર ઉણું ઉતરી રહ્યું છે.

ભરૂચ અને અંકલેશ્વરમાં ઠેર ઠેર રખડતા ઢોરનો ત્રાસ વર્તાઈ રહ્યો છે. ત્યારે માર્ગ ઉપર બિન્ધાસ્ત બેસી રહેતા આવા ઢોરનાં કારણે વાહનચાલકો ભારે મુશ્કેલીમાં મુકાઈ રહ્યા છે. ગાયો રસ્તા ઉપર આવી જતાં અનેક વખત અકસ્માતોનાં બનાવો સામે આવ્યા છે. વહેલી સવારે ઓફિસ જવા નીકળતા લોકો રસ્તામાં આવા રખડતા ઢોરનાં કારણે ભારે હાલાકી ભોગવી રહ્યા છે. સાથે શાળાએ સાઈકલ લઈને જતાં બાળકો માટે પણ ઘણી મૂસિબતો ઉપસ્થિત થઈ રહી છે.

Next Story
Share it