Top
Connect Gujarat

ભારત આગામી સપ્તાહે 104 ઉપગ્રહ લોન્ચ કરીને નવો રેકોર્ડ સ્થાપશે

ભારત આગામી સપ્તાહે 104 ઉપગ્રહ લોન્ચ કરીને નવો રેકોર્ડ સ્થાપશે
X

ભારત દ્વારા આગામી સપ્તાહે આંધ્ર પ્રદેશના શ્રીહરિકોટાના સતિષ ધવન સ્પેસ સેન્ટર ખાતેથી 15 ફેબ્રુઆરીના રોજ 104 ઉપગ્રહોનું લોન્ચિંગ કરીને અવકાશ ક્ષેત્રે નવો રેકોર્ડ સ્થાપિત કરશે.

ઈસરોના જણાવ્યા અનુસાર આ ઉપગ્રહોને પૃથ્વી થી 500 કિમી દૂર સૌર-સિંક્રનસ ભ્રમણકક્ષામાં મુકવામાં આવશે. જે પૃથ્વીનું નિરીક્ષણ કરશે.

આ ઉપગ્રહોમાં 3 ભારતના, 88 અમેરિકાના તેમજ અન્ય ઇઝરાયેલ, કઝાકિસ્તાન, નેધરલેન્ડ, સ્વિટ્ઝર્લૅન્ડ અને યુનાઇટેડ આરબ અમીરાતના હશે.

કુલ 1500 કિલોના વજન સાથે આ તમામ ઉપગ્રહોને PSLV-C37 દ્વારા અવકાશમાં પ્રસ્થાપિત કરવામા આવશે.

અત્રે ઉલ્લેખનીય છે કે આ અગાઉ પણ ભારતે એક સાથે 20 ઉપગ્રહોને 22 જૂન 2016 નારોજ લોન્ચ કર્યા હતા અને જો ભારત દ્વારા આ 104 સેટેલાઈટને સફળતા પૂર્વક લોન્ચ કરવામાં આવશે તો તે અવકાશ ક્ષેત્રે પોતાનો એક નવો કીર્તિમાન સ્થાપિત કરશે.

Next Story
Share it