Connect Gujarat
ગુજરાત

ભુજની માનવજયોત સંસ્થામાં સ્વસ્થ બનતાં ૧૨ માનસિક દિવ્યાંગોએ કર્યું ઘર તરફ પ્રયાણ

ભુજની માનવજયોત સંસ્થામાં સ્વસ્થ બનતાં ૧૨ માનસિક દિવ્યાંગોએ કર્યું ઘર તરફ પ્રયાણ
X

આ દિવ્યાંગો પરપ્રાંતીય હતા અને જેમાં અલ્હાબાદનો વ્યક્તિ ૩૫ વર્ષે પોતાના ઘરે પહોંચશે.

જિલ્લા કાનૂની સેવા સત્તા મંડળ ભુજનાં માર્ગદર્શન હેઠળ માનવજ્યોત સંસ્થા ભુજ સંચાલિત રામદેવ સેવાશ્રમ પાલારા-કચ્છ સ્થળેથી ૧૦ અને માનસિક આરોગ્યની હોસ્પીટલ ભુજથી ૨ મળી ૧૨ માનસિક દિવ્યાંગો સ્વસ્થ બની વર્ષો પછી પોતાનાં ઘર તરફ જવા પ્રયાણ કર્યું હતું.

[gallery td_gallery_title_input="ભુજની માનવજયોત સંસ્થામાં સ્વસ્થ બનતાં ૧૨ માનસિક દિવ્યાંગોએ કર્યું ઘર તરફ પ્રયાણ" td_select_gallery_slide="slide" size="large" ids="104392,104393,104394,104395"]

અહીંથી તેઓને શ્રદ્ધા ફાઉન્ડેશન કર્જત મોકલવામાં આવ્યા ત્યાંથી તેઓને તેમનાં ઘર સુધી પહોંચાડવામાં આવશે.આ ૧૨ માનસિક દિવ્યાંગોને શુભેચ્છા પાઠવવા કાર્યક્રમ યોજાયો હતો.સંસ્થાનાં અધ્યક્ષ પ્રબોધ મુનવરે સંસ્થાની અત્યાર સુધી થયેલ પ્રવૃત્તિની સંપૂર્ણ માહિતી આપી હતી. અને જણાવ્યું હતું કે, માત્ર છેલ્લા ૨ વર્ષનાં ગાળામાં સંસ્થાએ કચ્છમાં રસ્તે રઝળતા અને માર્ગોમાં પડ્યા પાથર્યા રહેતા ૨૬૫ માનસિક દિવ્યાંગોને મનોચિકિત્સક ડો. મહેશભાઇ ટીલવાણી પાસેથી સારવાર અપાવી તેઓને સ્વસ્થ બનાવી, તેઓનું ઘર શોધી આપી પરિવારજનો સાથે ફેર મિલન કરાવ્યું છે.

ઉત્તરપ્રદેશનાં ૬, ઓરિસાનો-૧, આંધ્રપ્રદેશનો-૧, મહારાષ્ટ્રના-૨, તથા બિહારનાં-૨ મળી ટોટલ ૧૨ માનસિક દિવ્યાંગો નવા વસ્ત્રોમાં સજ્જ થઇ વર્ષો પછી પોતાનાં પરિવારજનો પાસે જવા પ્રયાણ કરી રહ્યા છે. અલ્લાહબાદનો અજ્યસિંઘ સાડાત્રણ દાયકા પછી પોતાનાં ઘરે પહોંચશે.

Next Story
Share it