સુરત ક્રાઇમ બ્રાન્ચે પાંચ વર્ષથી નાસતા-ફરતા ગેંગરેપના આરોપીને મુંબઈના બૈગણવાળીથી ઝડપી પાડ્યો 

છેલ્લા પાંચ વર્ષથી નાસતા-ફરતા ગેંગરેપના આરોપી ને મુંબઈના બૈગણવાડી ખાતેથી સુરત ક્રાઈમ બ્રાન્ચે ઝડપી પાડી આગળની તપાસ હાથ ધરી છે ..વર્ષ 2014માં પાંડેસરા પોલીસ ચોપડે ગેંગરેપનો ગૂનો નોંધાયો હતો. જે ગુનાની અંદર અગાઉ ત્રણ આરોપીઓની ધરપકડ કરવામાં આવી હતી. જોકે મુખ્ય આરોપી મહેન્દ્ર ઉર્ફે મામા નરસિંગ બાડતિયા છેલ્લા પાંચ વર્ષથી પોલીસ ધરપકડથી બચવા માટે નાસતો ફરતો હતો. જે બાતમી મળતા ક્રાઈમ બ્રાન્ચે મુંબઈ ખાતે એક ટિમ મોકલી આરોપી મહેન્દ્રને ઝડપી પાડયો હતો. પાંડેસરા વિસ્તારમાં રહેતા મહેન્દ્ર અને તેના અન્ય સાગરિતો દ્વારા પીડિત મહિલાનો એકલતાનો લાભ લઈ ઘરમાં ઘૂસી સામૂહિક બળાત્કાર ગુજારવામાં આવ્યો હતો. જ્યાં ઘટના અંગે કોઇને જાણ કરી તો મહિલાના બાળકને જાનથી મારી નાખવાની ધમકી પણ આપી હતી.

વર્ષ 2014માં પાંડેસરા વિસ્તારમાં રહેતા શ્રમજીવી પરિવારની પરિણીતાનો એકલતાનો લાભ લઈ મોડી રાત્રી દરમ્યાન ચાર જેટલા લોકો જબરજસ્તીપૂર્વક ઘરમાં પ્રવેશી ગયા હતા.પરિણીતાનો પતિ નોકરી પર નાઈટ ડ્યુટીમાં ગયો હોય આરોપીઓએ મહિલાની એકલતાનો લાભ ઉઠાવ્યો હતો.જે બાદ મહિલા પર સામુહિક બળાત્કાર ગુજાર્યો હતો.આરોપી મહેન્દ્ર ઉર્ફે મામા નરસિંગ બાડતીયા , અર્જુન, નીલુ ઉર્ફે ભાંજા, તેમજ ટીલુ નામના શખ્સોએ વારાફરતી મહિલા પર સામૂહિક બળાત્કાર ગુજારી ઘટના અંગે કોઇને જાણ કરી છે તો મહિલાના બાળકને જાનથી મારી નાંખવાની ધમકી આપી હતી. આ ઘટના બાદ પીડિત મહિલાએ પતિને જાણ કરતાં પાંડેસરા પોલીસ મથકમાં ફરિયાદ નોંધાવવામાં આવી હતી. જે ફરિયાદના આધારે પોલીસે જે તે સમયે ત્રણ જેટલા આરોપીઓને ઝડપી પાડયા હતા.પોલીસને માહિતી મળી હતી કે મુખ્ય આરોપી મહેન્દ્ર મામા ઓરિસ્સા ખાતે નાસી છૂટયા છે ,ત્યારે તેને પકડી પાડવા માટે પોલીસની એક ટીમ જે તે સમયે ઓરીસા જવા માટે પણ રવાના થઈ હતી. પરંતુ આરોપીને પકડવામાં પોલીસ નાકામ રહી હતી. આ ઘટનાને આજે પાંચ વર્ષ જેટલો સમય વીતી ગયો છે. ત્યારે સુરત ક્રાઇમ બ્રાંચને માહિતી મળી હતી કે પાંડેસરા વિસ્તારમાં વર્ષ 2014માં નોંધાયેલ ગેંગરેપના ગુનાનો મુખ્ય આરોપી મહેન્દ્ર ઉર્ફે મામા મુંબઈના બેગણવાડી વિસ્તારમાં આવેલી એક દુકાનમાં કામ કરે છે. જે બાતમીના આધારે સુરત ક્રાઇમ બ્રાન્ચની એક ટીમ મુંબઇ ખાતે જવા રવાના થઈ હતી.

મુંબઈ પહોંચેલી સુરત ક્રાઇમ બ્રાન્ચની ટીમે આરોપીને ઝડપી પાડવા માટે બૈગણવાડી વિસ્તારમાં વોચ ગોઠવી હતી. જ્યાં બૈગણવાડી વાડી વિસ્તારમાં આવેલી કપડાની દુકાનમાં કામ કરતા આરોપી મહેન્દ્ર ઉર્ફે મામા નરસિંગ બાદટિયાને ક્રાઈમ બ્રાન્ચે ઝડપી પાડ્યો હતો. ક્રાઈમ બ્રાન્ચ આરોપીને ઝડપી સુરત લઈ આવી હતી . જ્યાં પૂછપરછ કરતા આરોપીએ તેના અન્ય સાગરીતો સાથે મળી મહિલા પર સામુહિક બળાત્કાર ગુજાર્યો હોવાની કેફિયત રજુ કરતા તેની ધરપકડ કરવામાં આવી હતી.આરોપી પોલીસ ધરપકડથી બચવા છેલ્લા પાંચ વર્ષથી ત્રણ અલગ અલગ રાજ્યોમાં ફરી રહ્યો હતો.એટલું જ નહીં પરંતુ મુંબઈ ખાતે જઈ તે એક કપડાંની દુકાનમાં પોતાનો પહેરવેશ પણ બદલી નાખ્યો હતો.કાપડની દુકાનમાં કામ કરતા મહેન્દ્ર ઉર્ફે મામા કોઈને શંકા ના જાય તે માટે પોતાનું નામ અલ- અઝહર તરીકે રાખ્યું હતું.

સુરત ક્રાઈમ બ્રાન્ચે હાલ આરોપીની ધરપકડ કરી આરોપીનો કબજો પાંડેસરા પોલીસના હવાલે કરવાની તજવીજ હાથ ધરી છે.. જો કે છેલ્લા પાંચ વર્ષ બાદ ગેંગરેપના આરોપીને ઝડપી પાડવામાં સુરત ક્રાઇમ બ્રાન્ચને સફળતા હાથ લાગી છે.