સુરત : પુના ગામ વિસ્તારમાં આધેડે પત્ની, બે પુત્રી અને પુત્ર પર એસિડ વડે કર્યો હુમલો

સુરત પુણા ગામ વિસ્તારમાં આવેલ હરિધામ સોસાયટીમાં આધેડે પત્ની, બે પુત્રી અને પુત્ર પર એસિડ વડે હુમલો કરવાની ઘટના સામે આવી છે. પારિવારિક ઝઘડામાં અને આર્થિક પરિસ્થિતિથી કંટાળી એસિડ હુમલો કર્યો હોવાનું પ્રાથમિક કારણ બહાર આવ્યું છે.

સુરત પુના ગામ હરિધામ સોસાયટીમાં રહેતો છગનવાળા રાત્રી દરમિયાન પત્ની, બે પુત્રી અને પુત્ર પર એસિડ વડે હુમલો કરી નાશી ગયો છે. પારિવારિક ઝઘડામાં અને આર્થિક પરિસ્થિતિથી કંટાળી એસિડ હુમલો કર્યો હોવાનું પ્રાથમિક કારણ બહાર આવ્યું છે. રાત્રે પરિવારના તમામ સભ્ય ઘરમાં સુતેલા હતા છગન વાળાએ રાત્રે 2.30 વાગ્યાના અરસામાં પોતાની પત્ની હંશા બેન વાળા, 26 વર્ષીય પ્રરવીના વાળા,18 વર્ષીય અલ્પા વાળા,MBBSમાં અભ્યાસ કરતો 22 વર્ષીય ભાર્ગવ વાળા પર એસિડ વડે હુમલો કરી નાશી ગયો છે. ઘરમાં સૂતેલો નાના પુત્ર તરુણ વાળાને બુમાબુમની અવાજ આવતા તે દોડી આવતા પરિવાર સભ્ય ને ગંભીર હાલતમાં જોતા આજુબાજુના લોકોને બોલાવી 108 મારફતે સારવાર અર્થે સ્મીમેર હોસ્પિટલમાં લઇ ગયા હતા. હાલ તમામને સારવાર માટે સ્મીમેર હોસ્પિટલ ખસેડાયા છે. પુના ગામ પોલીસે ગુનો નોંધી વધુ તપાસ હાથ ધરી છે.