Connect Gujarat
ગુજરાત

હલદરવા ગામની આંગણવાડી જર્જરિત બનતા બાળકો પરેશાન

હલદરવા ગામની આંગણવાડી જર્જરિત બનતા બાળકો પરેશાન
X

બાળકોના ભવિષ્ય માટેનો પાયો જ જો જર્જરિત હોય તો આવતીકાલના ભવિષ્ય સમાન બાળકોનું ઘડતર કેવી છે શક્ય બની શકશે ? વાત કરીએ કરજણ તાલુકાના હલદરવા ગામની આંગણવાડીની તો કરજણ તાલુકાના હલદરવા ગામમાં આવેલી આંગણવાડી જર્જરિત બનતા નાના ભૂલકાઓ પરેશાની ભોગવી રહ્યા છે. જર્જરીત આંગણવાડીના મકાનની જાણ મીડિયા સુધી પહોંચતા સમગ્ર મામલો પ્રકાશમાં આવ્યો હતો. આ બાબતે મીડિયાના કર્મીઓએ આંગણવાડીની મુલાકાત લેતા આંગણવાડીના દરવાજા કટાયેલી હાલતમાં જોવા મળ્યા હતા તેમજ આંગણવાડીના મકાનની દિવાલોમાં તિરાડો પડેલી પણ નજરે પડી હતી.

આંગણવાડીના સંચાલકને જર્જરિત આંગણવાડી વિશે પુછતા તેઓએ જણાવ્યું હતું કે હું પંદર વર્ષથી આંગણવાડીમાં ફરજ બજાવું છું પાંચ વર્ષથી આંગણવાડીનું મકાન જર્જરિત બનતાં બાળકોને બેસાડી શકાય એમ નથી તેમજ આંગણવાડીમાં આવવાનો માર્ગ નથી. તેથી બાળકોને હાલાકી પડી રહી છે. વધુમાં જર્જરિત આંગણવાડી બાબતે રજૂઆત કરી હોવા છતાં હજુ સુધી કોઇ નિરાકરણ ન આવ્યું હોવાનું પણ સંચાલકે જણાવ્યું હતું. આંગણવાડી જર્જરિત બનતાં હાલ બાળકોને સંચાલક પોતાના ઘરમાં બેસાડે છે. એમ તેઓએ જણાવ્યું હતું. તો જર્જરિત બની ગયેલી આંગણવાડીનું સંબંધિતો દ્વારા વહેલી તકે સમારકામ હાથ ધરાય તેવી માંગ ઉઠવા પામી છે.

Next Story
Share it