દિવાળીમાં બનાવો ચાઈનીઝ સ્પ્રિંગ રોલ્સ
સામગ્રી :- પડ માટે :- 2 કપ મેંદો
:- 2 ચમચા તેલ
:- તળવા માટે તેલ
:- મીઠું
ફીલિંગ માટે :- 100 ગ્રામ નુડલ્સ,
:- 50 ગ્રામ ફણગાવેલ મગ
:- 50 ગ્રામ ગાજર
:- 50 ગ્રામ ફણસી
:- 50 ગ્રામ કોબીજ
:- 4 ચમચા તેલ
:- 1 ચમચી આજીનો મોટો
:- 1 ચમચી સોયા સોસ
:- 2 કેપ્સીકમ
:- મીઠું
રીત :- * મેંદોમાં મીઠું નાખી ચાળી લો
* તેમાં તેલનું મોણ નાખી કણક બાંધી, અડધો કલાક ઢાંકીને રહેવા દો
* ત્યારબાદ બરાબર મસળીને સુંવાળી બનાવો
* એક વાસણમાં પાણી લઈ ઉકાળવું, તે ઉકળે એટલે એક ચમચી તેલ નાખી, નુડલ્સ નાખો
* તે બફાઈ જાય એટલે ચાળણીમાં કાઢી,નિતારી લઈ ,ઠંડા પાણીમાં ધોઈ લો
* ગાજરને છોલી,ધોઈ, સફેદ અને લીલો ભાગ કાઢી પાતળી લાંબી ચીરી કરો
* ફણસીના રેસા કાઢો, કોબીજને બારીક સમારો તથા કેપ્સિકમની બારીક સળી કરો
* ફણગાવેલા મગને બાફો
* એક વાસણમાં તેલ ગરમ કરી બધા શાક અને ફણગાવેલા મગ નાખી આજીનો મોટો નાખી,વધુ તાપે ગેસ પર રાખો
* ત્યારબાદ તેમાં બાફેલા નુડલ્સ, સોયા સોસ અને મીઠું નાખી બરાબર હલાવી , થોડીવાર બાદ નીચે ઉતારી ઠંડુ પાડો
* તૈયાર કરેલી કણકમાંથી રોટલી વણી, બે ચમચા પૂરણ મૂકી રોટલીની આજુબાજુનો ભાગ વાળી વીંટો કરો, કિનારે પાણી લગાવી બરાબર ચોંટાડી દો,
* આ રીતે બધા રોલ્સ તૈયાર કરો, ફ્રાયપેનમાંથી તેલ ગરમ કરી રોલ્સ સાચવીને તળો,
* તે બદામી રંગના થાય એટલે કાઢી કાગળ ઉપર મુકો, જેથી વધારાનું તેલ ચુસાઈ જાય.
* રોલ્સના કટકા કરી. ચીલી સોસ અથવા ગાર્લિક સોસ સાથે ગરમાગરમ પીરસો,