પાંચમી વન-ડેમાં ભારતે નવ વિકેટે વેસ્ટ ઈન્ડિઝને હરાવ્યું, સીરિઝ પર કર્યો કબ્જો

ભારત અને વેસ્ટ ઈન્ડિઝની વન-ડે સીરિઝની પાંચમી અને અંતિમ વનડેમાં ભારતે વેસ્ટ ઈન્ડિઝને 104 રનમાં ઓલઆઉટ કરી દીધા બાદ નવ વિકેટે મેચ જીતી લીધી હતી. વેસ્ટ ઈન્ડિઝને આસાનીથી ભારતે હરાવ્યું હતું અને આ સાથે જ સીરિઝ પર 3-1થી કબ્જો કરી લીધો છે. 105 રનના લક્ષ્યાંકનો પીછો કરી રહેલી ભારતીય ટીમે રોહિત શર્મા (63*)ની અડધી સદી અને કેપ્ટન વિરાટ કોહલી (33*)ની ભાગીદારીથી 14.5 ઓવરમાં જ સરળતાથી લક્ષ્યાંક પાર કર્યો હતો. આ અગાઉ ભારતીય બોલર્સની ઘાતક બોલિંગ સામે વિન્ડિઝની ટીમે ઘૂંટણીયા ટેકવી દીધા હતા.

ટોસ જીતીને મહેમાન કેરેબિયન્સે પ્રથમ બેટિંગ કરવાનો નિર્ણય લીધો હતો. કેપ્ટન હોલ્ડરનો આ નિર્ણય ખોટો પુરવાર થયો અને સમગ્ર ટીમ 104માં જ પેવેલિયન ભેગી થઈ ગઈ હતી. વન-ડે ક્રિકેટમાં ભારત વિરુદ્ધ વિન્ડિઝનો આ સૌથી લોએસ્ટ સ્કોર છે. ભારત તરફથી રવિન્દ્ર જાડેજા (4/34)એ સર્વોચ્ચ ચાર વિકેટ પોતાના નામે કરી હતી. જસપ્રીત બુમરાહ અને ખલીલ અહમદે 2-2 વિકેટો ઝડપી હતી. કુલદીપ યાદવ અને ભુવનેશ્વર કુમારે 1-1 વિકેટ ઝડપી હતી. ભારતીય બોલર્સે 31.5 ઓવરમાં વેસ્ટ ઈન્ડિઝની ટીમને તંબૂ ભેગી કરી દીધી હતી. વિન્ડિઝના કેપ્ટન હોલ્ડર (25), રોવમેન પોવેલ (16) અને માર્લોન સેમ્યૂલ્સે (24) રન કર્યા હતા