પાકિસ્તાન : રાવલપિંડી શહેરમાં સેનાનું એક વિમાન થયું ક્રેશ, 17ના મોત

પાકિસ્તાનના રાવલપિંડી શહેરમાં મંગળવારે વહેલી સવારે પાકિસ્તાની સેનાનું એક વિમાન રહેણાંક વિસ્તારમાં દુર્ઘટનાગ્રસ્ત થયું હતું. આ અકસ્માતમાં અત્યાર સુધીમાં 17 લોકોના મોત થયા ના અહેવાલ મળ્યા હતા. જ્યારે 12 લોકો ઘાયલ થયા હતા. મૃત્યુ પામેલા લોકોમાં 5 સૈનિક પણ હતા.

પાકિસ્તાની સેના એ એક નિવેદન રજૂ કરીને કહ્યું કે અકસ્માતમાં વિમાનના બે પાયલટના મોત થયા છે. અકસ્માતને જોતા રાવલપિંડીની હોસ્પિટલોમાં ઇમરજન્સી જાહેર કરી દેવાઇ છે. બચાવ દળના સભ્યોએ કહ્યું કે વિમાન અકસ્માતમાં 12 લોકો ઘાયલ છે જેમાંથી કેટલાંયની સ્થિતિ ખૂબ જ નાજુક છે.

પાકિસ્તાની સેનાના હેડક્વાર્ટર રાવલપિંડીમાં થયેલા અકસ્માતમાં રાહત અને બચાવ કાર્ય ઝડપી કરી દેવાયું છે. બીજીબાજુ સેના એ પણ હજુ સુધી અકસ્માતના કારણ અંગે બતાવ્યું નથી. પાકિસ્તાની સેના એ કહ્યું કે આ વિમાન ટ્રેનિંગ ફ્લાઇટ પર હતું. આ દરમ્યાન વિમાન રાવલપિંડીના બહારના વિસ્તારમાં આવેલા મોરા કાલૂ ગામમાં દુર્ઘટનાગ્રસ્ત થયું.