ભરૂચ તાલુકાના ટંકારીયા ગામમાં નોકઆઉટ ક્રિકેટ ટુર્નામેન્ટનો પ્રારંભ

ભરૂચ જિલ્લાના ટંકારીઆ ગામના ક્રિકેટના મેદાન પર તારીખ 9મીના રોજ બુધવારે મર્હુમ અબ્દુલ્લાહ સાલેહ મેમોરિયલ નોકઆઉટ ક્રિકેટ ટુર્નામેન્ટનો પ્રારંભ વિશાળ ક્રિકેટ પ્રેમીઓની હાજરીમાં થયો હતો.

આ ટુર્નામેન્ટનું ઉદ્ઘાટન ભરૂચના ડેપ્યુટી કલેકટર શ્રી યાદવના વરદ હસ્તે કરવામાં આવ્યું હતું. ગત વર્ષે ભરૂચના તત્કાલિન કલેકટર વિક્રાંત પાંડે દ્વારા આ ગ્રાઉન્ડના વિકાસ માટે અને પ્રેક્ષકો માટે મેચ નિહાળવા માટે રૂપિયા 5 લાખના ખર્ચે તેમની ગ્રાન્ટ માંથી એક સ્ટેડિયમ બનાવવા માટે જે ફાળવણી કરી હતી તે સ્ટેડિયમનું ઉદ્ઘાટન પણ રીબીન કાપી ભરૂચના ડેપ્યુટી કલેકટરના વરદ હસ્તે કરવામાં આવ્યું હતું.

અને ત્યાર બાદ રાષ્ટ્રગીત ની ધૂન બાદ ડેપ્યુટી કલેકટર દ્વારા ટૉસ ઉછાળી ટુર્નામેન્ટ નો શુભારંભ કરાયો હતો. આજે પ્રથમ મેચ પરીએજ ઇલેવન અને કંથારીયા ઇલેવન વચ્ચે રમાઈ હતી.

આ પ્રસંગે ડેપ્યુટી કલેકટર શ્રી યાદવ, ભરૂચ ડી. વાય. એસ. પી. ચૌહાણ , માજી ધારાસભ્ય ઇકબાલભાઇ પટેલ, માજી જિલ્લા સદસ્ય મકબુલભાઈ અભલી તથા અન્ય મેહમાનો અને અગ્રણીયો ઉપસ્થિત રહ્યા હતા.