Connect Gujarat
ગુજરાત

રાજકોટની ફેમસ ચટણી આપશે ફરસાણનો ચટપટો સ્વાદ

રાજકોટની ફેમસ ચટણી આપશે ફરસાણનો ચટપટો સ્વાદ
X

કહેવાય છે કે, રાજકોટની ચટણીને એકવાર જો કોઈ ચાખી લે, તો તેનો સ્વાદ જીભેથી છૂટતો નથી. જેના સંબંધીઓ કે મિત્રો રાજકોટ રહેતા હોય તો તેઓ રાજકોટથી સ્પેશિયલ આ ચટણી મંગાવી લેતા હોય છે, અને ફ્રિજમાં સ્ટોર કરે છે. ત્યારે એકવાર જો તમે તેને બનાવતા શીખી જશો, તો રાજકોટ થી મંગાવવાની રાહ નહિ જોવી પડે. આ ચટણી એકદમ આસાની થી બની જશે. તો જાણી લો રાજકોટની ફેમસ ચટણી બનાવવાની રીત.

ચટણી બનાવવા માટેની સામગ્રી :

1 કપ આખા સિંગદાણા

5 નંગ સમારેલા લીલા મરંચા

1/2 ટી.સ્પૂન લીંબુનાં ફૂલ

1/4 ટી.સ્પૂન મીઠું

ચપટી હળદર

ચટણી બનાવવાની રીત :

  • સિંગદાણાને ૪ થી ૫ કલાક પલાળી દો. હવે મિક્સર જારમાં બધી વસ્તુઓ ભેગી કરી પીસી લો.ફાઇન પેસ્ટ કરી લો. બસ તૈયાર છે ટેન્ગી અને સ્પાઈસી ચટણી.
  • આ ચટણીને વેફર, ચીપ્સ, ભજીયા, સમોસા, ચેવડો તથા અન્ય સાથે ખાઈ શકાય.

આ ચટણી સુકી જ ૪-૫ મહીના ફ્રિજમાં સાચવી શકાય. પણ પીરસતી વખતે પાણી જરા પણ ન નાખવું. સુકી જ વાપરી શકાય અથવા જયારે જેટલી વાપરવી હોય તેટલામાં પાણી કે દહીં ઉમેરીને ગમે ત્યારે તેનો સ્વાદ માણી શકાય છે.

Next Story