Connect Gujarat
ગુજરાત

રાજકોટ મતદાન જાગૃતિનાં કાર્યક્રમને વર્લ્ડ બુક ઓફ રેકોર્ડમાં મળ્યુ સ્થાન

રાજકોટ મતદાન જાગૃતિનાં કાર્યક્રમને વર્લ્ડ બુક ઓફ રેકોર્ડમાં મળ્યુ સ્થાન
X

ગુજરાત વિધાનસભાની ચૂંટણી દરમિયાન રાજકોટ જિલ્લા કલેકટર ડો.વિક્રાંત પાંડે અને તેમની ટીમ દ્વારા મતદાન જાગૃતિનાં જુદા જુદા કાર્યક્રમો યોજવામાં આવ્યા હતા.

જેમાં પેરાગ્લાઇડિંગ થી મતદાન જાગૃતિનો કાર્યક્રમ હોય કે પછી શતાયુ મતદાતાનાં સન્માનનો કાર્યક્રમ ઉપરાંત 4 નવેમ્બરનાં રોજ રાજકોટનાં ખંઢેરી સ્ટેડિયમ ખાતે ભારત અને ન્યુઝીલેન્ડની ટીમ વચ્ચે ટી-20 મેચ રમાઈ હતી.

આ મેચ શરૂ થાય તે પહેલા રાજકોટ કલેકટર તંત્ર દ્વારા તમામ પ્રેક્ષકો પાસે મતદાન જાગૃતિ માટે શપથ ગ્રહણ કરાવવામાં આવ્યા હતા. અને જિલ્લા વહીવટી તંત્રની આ મહેનત રંગ લાવી છે.

આ કાર્યક્રમને વર્લડ બુક ઓફ રેકોર્ડમાં સ્થાન મળતા જિલ્લા કલેકટરે રાજકોટવાસીઓ નો આભાર વ્યક્ત કર્યો હતો.

Next Story