લોકસભા ચૂંટણી: 12મેના રોજ દિલ્હી અને હરિયાણા સહિત સાત રાજ્યોની 59 બેઠકો પર મતદાન યોજાશે

લોકસભા ચૂંટણીના છઠ્ઠા તબક્કામાં દિલ્હી અને હરિયાણા સહિત સાત રાજ્યોની 59 લોકસભા બેઠકો પર મતદાન થશે. આ તબક્કામાં બિહારની 8, હરિયાણાની 10, ઝારખંડની 4, મધ્યપ્રદેશની 8, ઉત્તરપ્રદેશી 14, પશ્ચિમ બંગાળની 8 અને દિલ્હીની સાત લોકસભા બેઠકો પર મતદાન થશે.

વર્ષ 2014ની ચૂંટણીની વાત કરવામાં આવે તો જે 59 બેઠકો પર છઠ્ઠા તબક્કામાં મતદાન થશે તે 59 બેઠકોમાંથી ભાજપે એકલા 44 બેઠકો પર જીત મેળવી હતી. સાથે જ અપના દલ અને લોક જનશક્તિ પાર્ટીએ પણ એક-એક બેઠક પર જીત મેળવી હતી. બંને પાર્ટી એનડીએનો ભાગ હતા.

બાકીની બેઠકોની વાત કરવામાં આવે તો 8 બેઠકો તૃણમૂલ કૉંગ્રેસ, બે બેઠકો પર કૉંગ્રેસ, બે બેઠકો પર આઈએનએલડી અને એક બેઠક પર સમાજવાદી પાર્ટીએ જીત મેળવી હતી.