વડોદરામાં ૫ વર્ષની માસૂમ બાળકી પર ૧૫ વર્ષના સગીરે ગુજાર્યો બળાત્કાર
BY Connect Gujarat13 Jun 2018 7:21 AM GMT
X
Connect Gujarat13 Jun 2018 7:21 AM GMT
એકલતાનો લાભ ઉઠાવી પાડોશી સગીર કેરી ખવડાવવાના બહાને બાળકીને ખેતરમાં લઈ ગયો
બોડેલી તાલુકાના એક ગામમાં ફરી એક વાર શર્મસાર કરનારી ઘટના સામે આવી છે. ૪ વર્ષ ૧૧ મહિનાની માસૂમ બાળકી ઉપર ૧૫ વર્ષના સગીરે બળાત્કાર ગુજાર્યો હોવાની ચોંકાવનારી હકીકત સામે આવી છે.
પ્રાપ્ત વિગતો અનુસાર બોડેલી તાલુકાના એક ગામમાં માસૂમ બાળકીને પાડોશમાં રહેતા સગીર વયના છોકરાએ કેરી ખવડાવવા લઈ જવાનું કહી ખેતરમાં લઈ ગયો હતો. જ્યાં એકલતાનો લાભ લઈ માસૂમ બાળકી સાથે બળાત્કાર ગુજાર્યો હતો.
બાળકી જ્યારે ઘરે આવી અને તેણે પેશાબમાં બળતરા થતી હોવાનું કહી માતાપિતા સામે રડવા લાગી હતી. ત્યારે પરિવારજનો બાળકીને દવાખાને લઈ ગયા હતા. જ્યાં ડૉકટરે તપાસ કરી તો જણાવ્યું કે બાળકી સાથે દુષ્કર્મ થયું છે. જેથી માતાપિતાએ બોડેલી પોલીસને જાણ કરતાં પોલીસે ગુનો નોંધી તાત્કાલિક ૧૫ વર્ષના સગીરને ઝડપી પાડ્યો છે. હાલ ચકચાર મચાવનાર બનાવને પગલે પંથકમાં ભારે રોષની લાગણી પ્રવર્તી રહી છે.
Next Story