વ્રતની મોસમમાં બનાવો ફરાળી દહીંવડા

અત્યારે ઉપવાસ-વ્રતમાં અનેકવિધ ફરાળી વાનગીઓ બનાવવામાં આવે છે. જેમાં ફરાળી ખીચડી, ફરાળી ભાખરી વગેરેનો સમાવેશ થાય છે. આજે વ્રતની આ મોસમમાં ફરાળી દહીવડાની રેસીપી રજૂ કરવામાં આવી રહી છે.

ફરાળી દહીંવડા બનાવવા માટેની સામગ્રી

• 100 ગ્રામ સીંગદાણા
• 100 ગ્રામ બટાકા
• 100 ગ્રામ શીંગોડાનો લોટ
• 1 ચમચી વાટેલા આદુ-મરચા-લસણ
• 1 ચમચી કોથમીર
• ચપટી મરી પાવડર
• લીંબુનો રસ
• જરૂરિયાત મુજબ ખાંડ
• સ્વાદાનુસાર મીઠું
• 1 ચમચી દાડમના દાણા
• 2 ચમચી ખજૂર આમલીની ચટણી
• 2 ચમચી લીલી ચટણી

ફરાળી દહીવડા બનાવવાની રીત

• સીંગદાણાને ત્રણ-ચાર કલાક પલાળી, બાફી લેવા.
• બાફેલા સીંગદાણાને મિક્સરમાં ક્રશ કરી લેવા.
• સીંગદાણાના ભૂકામાં આદુ-મરચાં-લસણની પેસ્ટ, કોથમીર, મરી પાવડર, મીઠું, લીંબુનો રસ અને ખાંડ ઉમેરવા.
• બટાકાને બાફી તેમાંથી માવો બનાવવો. તેમાં શીંગોડો લોટ મિક્સ કરી તેમાંથી વડા બનાવી સીંગદાણાનું પૂરણ ભરવું અને ગોળ વાળી તળી લેવા. વડા તૈયાર છે.

વડા પર દહીં નાંખી, આમલી-ખજૂરની ચટણી, લીલી ચટણી, કોથમીર અને દાડમના દાણા નાંખવા.