ભરૂચ : જંબુસરના માલપુર ગામે બે મકાનો આગમાં ભસ્મીભૂત,જાણો કઈ રીતે બન્યો બનાવ ..?

માલપુર જૂના સરપંચ ફળીયામાં આવેલ કનુભાઈ પરમાર તથા દેવજીભાઇ પરમારના મકાનમાં આકસ્મિક આગ લાગે જોતજોતામાં આગે વિકરાળ સ્વરૂપ ધારણ કરતાં બે મકાનો સહિત ઘરનો સામાન અનાજ રોકડ રકમ કપડાં સહિતનો સામાન ભસ્મીભૂત થઈ ગયો હતો.

માલપુર ગામે અચાનક રહેણાંક મકાનમાં આગ લાગ્યાની જાણ ગ્રામજનોને થતાં તાત્કાલિક ગ્રામજનો આવી પહોંચી આગ ઓલવવાના પ્રયત્નો હાથ ધર્યા હતા..આગ લાગ્યાની જાણ ઓએનજીસી તથા પીઆઇ કંપનીના ફાયરને ગ્રામજનો દ્વારા કરવામાં આવી હતી. બે કલાકનો ઉપરાંત નો સમય થવા છતાં તેઓ ઘટના સ્થળે આવી પહોંચ્યા નહોતા..સદર બનાવની જાણ મામલતદાર જંબુસર તથા કાવી પોલીસને થતાં તાત્કાલિક ઘટના સ્થળે આવી પહોંચી ખડેપગે હાજર રહ્યા હતા આખરે ત્રણ કલાકની ભારે જહેમત બાદ આગ પર કાબુ મેળવાયો હતો.