આદિ ગોદરેજનું ચેરમેન પદેથી રાજીનામું, વાંચો હવે કોણ સંભાળશે કમાન

જાણીતા ઉદ્યોગપતિ અને ગોદરેજ ઇન્ડસ્ટ્રીઝના ચેરમેન આદિ ગોદરેજે શુક્રવારે કંપનીના ચેરમેન અને બોર્ડ ઓફ ડિરેક્ટર્સમાંથી રાજીનામું આપ્યું. કંપનીએ 13 ઓગસ્ટના રોજ જાહેરાત કરી હતી કે નાદિર ગોદરેજ 1 ઓક્ટોબરે ચેરમેન અને મેનેજિંગ ડિરેક્ટર તરીકેની જવાબદારી સંભાળશે. તમને જણાવી દઈએ કે નાદિર ગોદરેજ હાલમાં જીઆઈએલના મેનેજિંગ ડિરેક્ટર છે. રાજીનામું આપ્યા બાદ 79 વર્ષીય ઉદ્યોગપતિ આદિ ગોદરેજે જણાવ્યું હતું કે, "ચાર દાયકાથી વધુ સમય સુધી ગોદરેજ ઇન્ડસ્ટ્રીઝની સેવા કરવાનો લહાવો છે, જે દરમિયાન અમે મજબૂત પરિણામો આપ્યા છે અને અમારી કંપનીમાં પરિવર્તન લાવ્યું છે." તેમણે બોર્ડ, ટીમના સભ્યો, ગ્રાહકો, બિઝનેસ પાર્ટનર્સ, શેરહોલ્ડરો, રોકાણકારો અને સમુદાયોની સતત ભાગીદારી માટે તેમનો આભાર વ્યક્ત કર્યો. દરમિયાન, નાદિરે તેમની નવી ભૂમિકા માટે અને તેમના નેતૃત્વ અને માર્ગદર્શન માટે ગોદરેજ ઇન્ડસ્ટ્રીઝ ટીમ અને બોર્ડનો આભાર માન્યો હતો. તેમણે કહ્યું કે અમારી નેતૃત્વ ટીમ આ પાયાને આગળ લઈ જવા માટે પ્રતિબદ્ધ છે.