RBI MPC મીટિંગઃ રેપો રેટમાં સતત 11મી વખત કોઈ ફેરફાર નહીં, GDP વૃદ્ધિનું અનુમાન ઘટ્યું.

રિઝર્વ બેંક ઓફ ઈન્ડિયા (RBI)એ નાણાકીય નીતિ સમીક્ષા બેઠકમાં વૃદ્ધિ અનુમાનમાં ઘટાડો કર્યો છે. હવે તે 7.8 ટકાથી ઘટીને 7.2 ટકા પર આવી ગયો છે. ઉપરાંત, મુખ્ય વ્યાજ દરોમાં ફેરફાર કરવામાં આવ્યો નથી. બેઠક બાદ ગવર્નર શક્તિકાંત દાસે શુક્રવારે કહ્યું કે રશિયા અને યુક્રેન વચ્ચે યુદ્ધ સમગ્ર વિશ્વને મંદીનો શિકાર બનાવી શકે છે.

નાણાકીય વર્ષ 2022-23ની પ્રથમ નાણાકીય નીતિ સમીક્ષા બાદ પત્રકાર પરિષદમાં તેમણે કહ્યું કે આપણે મોંઘવારી પર અંકુશ રાખવા પર ધ્યાન કેન્દ્રિત કરવું પડશે. આ સમયે આપણે ખૂબ જ સાવધ રહેવું પડશે પરંતુ ઝડપ સાથે આવનારા જોખમનો જવાબ આપવા માટે પણ તૈયાર રહેવું પડશે. ભારતીય રિઝર્વ બેંકની મોનેટરી પોલિસી કમિટીએ પણ નમ્ર વલણ જાળવવા સર્વસંમતિથી મતદાન કર્યું છે, એમ તેમણે ઉમેર્યું હતું. તેમણે કહ્યું કે વર્તમાન પરિસ્થિતિને ધ્યાનમાં રાખીને તમામ મુખ્ય વ્યાજ દરોમાં ફેરફાર કરવામાં આવી રહ્યો નથી. રેપો રેટ, રિવર્સ રેપો રેટ અને CRR જૂના સ્તરે જ રહેશે. તેમણે કહ્યું કે રેપો રેટ 4 ટકા અને રિવર્સ રેપો રેટ 3.35 ટકા પર યથાવત રાખવામાં આવ્યો છે. દરમિયાન, શેરબજાર પણ ધાર જાળવી રહ્યું છે.