શેરબજારની શરૂઆત ભારે ઘટાડા સાથે, સેન્સેક્સ 760 પોઈન્ટ ડાઉન..

સપ્તાહના પ્રથમ દિવસે સોમવારે શેરબજાર લાલ નિશાન પર મોટા ઘટાડા સાથે ખુલ્યું હતું. બોમ્બે સ્ટોક એક્સચેન્જનો 30 શેરો ધરાવતો સેન્સેક્સ 762 પોઈન્ટ ઘટીને 55,096 પર ખુલ્યો હતો, જ્યારે નેશનલ સ્ટોક એક્સચેન્જનો નિફ્ટી ઈન્ડેક્સ 221 પોઈન્ટ ઘટીને 16,437 પર ટ્રેડ કરવાનું શરૂ કર્યું હતું. આ અગાઉ, ગયા સપ્તાહના છેલ્લા ટ્રેડિંગ દિવસે શુક્રવારે ભારતીય શેરબજાર લીલા નિશાન પર ખુલ્યું હતું અને અંતે એક દિવસના કારોબાર બાદ તેજી સાથે બંધ થયું હતું. સેન્સેક્સ 1328 પોઈન્ટ અથવા 2.44 ટકા વધીને 55,858 પર બંધ થયો હતો, જ્યારે નિફ્ટી 2.53 ટકા વધીને 410 પોઈન્ટ્સ વધીને 16,658 પર બંધ થયો હતો.