Connect Gujarat

કોરોના વાઇરસ: ચીન આવ્યું અમેરિકાના વ્હારે, 80 ટન તબીબી સામગ્રીની મદદ કરી

કોરોના વાઇરસ: ચીન આવ્યું અમેરિકાના વ્હારે, 80 ટન તબીબી સામગ્રીની મદદ કરી
X

કોરોના વાઇરસ વિરુદ્ધ લડવા માટે અમેરિકા-ચીન એક થઇ ચૂક્યાં છે. ચીને અમેરિકાને 80 ટન તબીબી સામગ્રી મોકલી છે. શી જિનપિંગે ટ્રંપને ફોનમાં કહ્યું કે, વર્તમાન સ્થિતિમાં ચીન અને અમેરિકાને એકજુટ થઇ ને મહામારીનો સામનો કરવાની જરૂર છે. રસીના સંશોધનમાં આંતરરાષ્ટ્રીય સહયોગ વધારવાની સાથે સાથે ચીન વિશ્વના વિવિધ દેશોમાં તબીબી સામગ્રી આપી રહ્યું છે.

રસીના સંશોધનમાં આંતરરાષ્ટ્રીય સહયોગ વધારવા સાથે-સાથે ચીન વિશ્વના વિવિધ દેશોમાં તબીબી સામગ્ર આપી રહ્યું છે. 29 માર્ચના રોજ શંઘાઈથી ન્યૂયોર્ક મોકલવામાં આવેલી પ્રથમ બેન્ચની 80 ટનની તબીબી સામગ્રી જેએફકે ઈન્ટરનેશનલ એરપોર્ટ પહોંચી છે. જેમાં 1.2 કરોડ ગ્લબ્સ, 1.3 લાખ , 95 માસ્ક, 17 લાખ સર્જિકલ માસ્ક અને 50 હજાર સુરક્ષિત કપડાં સામેલ છે.

ચીનના રાષ્ટ્રપતિ શી જિનપિંગે 27 માર્ચના રોજ અમેરિકી રાષ્ટ્રપતિ ડોનાલ્ડ ટ્રંપ સાથે ફોન પર વાત કરીને કહ્યું કે, વર્તમાન સ્થિતિમાં ચીન અને અમેરિકાને એકજુટ થઇને મહામારીનો સામનો કરવાની જરૂર છે. ચીન અમેરિકા સાથે માહિતી અને અનુભવ શેર કરવા તૈયાર છે.

અમેરિકી પ્રતિનિધિએ ફોન પર ચીનનો આભાર વ્યક્ત કર્યો અને કહ્યું કે, અમેરિકા બન્ને દેશો વચ્ચે ચિકિત્સા અને આરોગ્ય ક્ષેત્રમાં આદાન-પ્રદાન વધારવા તૈયાર છે.

આશા છે કે, વિવધ દેશ ટૂંક સમયમાં રસીનું સંશોધન શરૂ કરશે. વર્તમાનમાં ચીન 5 ટેકનીકના માર્ગોથી રસીનું સંશોધન વધારી રહ્યું છે. આ 5 માર્ગમાં આંતરરાષ્ટ્રીય સહયોગ સામેલ છે. ઉદાહરણ તરીકે, ડીએનએ રસીમાં ચીની કંપનીઓ અમેરિકાની ઇનોવિઓ કંપની સાથે વ્યવહારિક સહયોગ કરી રહીં છે.

Next Story
Share it