દિલ્હી: રામલીલા મેદાનમાં કોંગ્રેસની “ભારત બચાવો” રેલી, દેશભરમાંથી લાખો  લોકોના પહોંચવાનો દાવો

કોંગ્રેસ પક્ષ આર્થિક મંદી, ખેડૂત વિરોધી નીતિઓ, મહિલા હિંસા, બેરોજગરી અને સંવિધાન હમલને

લઈને મોદી સરકાર વિરુદ્ધ આજે દિલ્હીના રામલીલા મેદાનમાં વિશાળ પ્રદર્શન રેલી યોજવા

જય રહી છે.

આ રેલીમાં કોંગ્રેસના વચગાળાના અધ્યક્ષ સોનીયા ગાંધી, રાહુલ ગાંધી, કોંગ્રેસ મહાસચિવ પ્રિયંકા ગાંધી અને પૂર્વ વડાપ્રધાન મનમોહન સિંહ સહિત કોંગ્રેસ શાસિત પ્રદેશોના મુખ્યમંત્રી અને કાર્યકર્તાઓ જોડાશે. આ રેલીમાં ભાગ લેવા દેશના ખૂણે-ખૂણેથી લાખો કોંગ્રેસ કાર્યકર્તાઓ રામલીલા મેદાનમાં પહોંચશે. દિલ્હીના રામલીલા મેદાનમાં રેલીની તૈયારીઓ પૂર્ણ કરી લેવામાં આવી છે.

આ રેલીમાં કોંગ્રેસ નાગરિક સંશોધન કાનૂનના મુદ્દાને

પણ ઉઠાવશે અને મોદી સરકારને ઘેરવાનો પ્રયાસ કરશે. કોંગ્રેસ દ્વારા બંને ગૃહોમાં આ

કાનૂનનો વિરોધ કરાયો હતો. અને કહ્યું હતું કે આ કાયદાથી ધર્મના આધાર પર દેશને

વહેંચવામાં આવી રહ્યો છે. કોંગ્રેસ અધ્યક્ષ સોનિયા ગાંધીએ આ કાયદાને સંસદમાંથી

પસાર થવાના દિવસને ઇતિહાસનો કાળો દિવસ ગણાવ્યો હતો.

કોંગ્રેસ પક્ષે ભારત બચાવો રેલીમાં જોડાવા માટે

દેશભરમાંથી લોકોને રામલીલા મેદાનમાં પહોંચવા કહ્યું છે. કોંગ્રેસનો દાવો છે કે, આ રેલી ઐતિહાસિક હશે. મોદી સરકાર મુખ્ય મુદ્દાઓથી દેશની જનતાનું ધ્યાન

ભટકાવામાં લાગી છે. પણ તેઓ આ તમામ મુદ્દાઓને લઈને દેશની જનતાની વચ્ચે જશે.