RRRની બે રિલીઝ ડેટ સામે, રાજામૌલીની ફિલ્મનો સામનો અક્ષય કુમાર સાથે થશે!

દર્શકો એસએસ રાજામૌલીની ફિલ્મ 'RRR'ની આતુરતાથી રાહ જોઈ રહ્યા છે. ચાહકોનું માનવું છે કે થિયેટરોમાં ફરી એક વાર એવો જ જાદુ જોવા મળશે જેવો 'બાહુબલી' દરમિયાન જોવા મળ્યો હતો. આવી સ્થિતિમાં ચાહકો ખૂબ જ ઉત્સાહિત છે. હવે એવા અહેવાલ છે કે એસએસ રાજામૌલીની પીરિયડ ડ્રામા આરઆરઆરની બે રિલીઝ તારીખો બહાર આવી છે.

નિર્માતાઓએ નિવેદન જારી કર્યું છે કે બધુ કોરોના રોગચાળા પર નિર્ભર છે, જો સ્થિતિ વધશે તો ફિલ્મ મોડી રિલીઝ થશે અને જો સુધારો થશે તો ફિલ્મ આરઆરઆર પણ ટૂંક સમયમાં રિલીઝ કરવામાં આવશે. RRR મેકર્સ અનુસાર- 'જો રોગચાળાની સ્થિતિમાં સુધારો થાય છે અને થિયેટરોને સંપૂર્ણ ક્ષમતા સાથે ફરીથી ખોલવામાં આવે છે, તો અમે ફિલ્મ રિલીઝ કરવા માટે તૈયાર છીએ. ત્યારબાદ ફિલ્મ RRA 18 માર્ચ 2022ના રોજ રીલિઝ થશે. અન્યથા આ ફિલ્મ 28 એપ્રિલે રિલીઝ થશે. તમને જણાવી દઈએ કે, શરૂઆતમાં RRR 7 જાન્યુઆરીએ રિલીઝ થવાની હતી. પરંતુ કોવિડ કેસ વધવાને કારણે ફિલ્મની રિલીઝ અટકાવી દેવામાં આવી હતી. જો હવે આ ફિલ્મ 18 માર્ચે રિલીઝ થશે તો એસએસ રાજામૌલીની ફિલ્મ અક્ષય કુમારની એક્શન ફિલ્મ 'બચ્ચન પાંડે'ને ટક્કર આપશે. બંને ફિલ્મો એક જ દિવસે સિનેમાઘરોમાં ટકરાશે. અક્ષયની ફિલ્મ બચ્ચન પાંડે હોળીના ખાસ અવસર પર રિલીઝ થવાની છે. જણાવી દઈએ કે, દર્શકો ઘણા સમયથી રાજામૌલીની RRRની રાહ જોઈ રહ્યા છે. ફિલ્મમાં ખૂબ જ રસપ્રદ કાસ્ટ છે - જુનિયર એનટીઆર, રામ ચરણ, આલિયા ભટ્ટ અને અજય દેવગન મુખ્ય ભૂમિકામાં જોવા મળશે. આલિયાના ફેન્સ ખૂબ જ ખુશ છે કે તે હવે સાઉથની ફિલ્મોમાં પણ જોવા મળશે. તો અજય દેવગનના ચાહકો પણ તેને સાઉથ હીરોના અવતારમાં જોવા માટે ખૂબ જ ઉત્સાહિત છે.