આર્યન ખાનની ધરપકડ વચ્ચે, સલમાન ખાન શાહરૂખ ખાનને મળવા પહોંચ્યો હતો 'મન્નત'

સુપરસ્ટાર શાહરૂખ ખાનના પુત્ર આર્યન ખાનને નાર્કોટિસ કંટ્રોલ બ્યુરોએ રવિવારે ડ્રગ્સ કેસમાં ધરપકડ કરી હતી. કોર્ટે આર્યનના એક દિવસના રિમાન્ડ NCB ને સોંપ્યા છે. તેને સોમવારે ફરી કોર્ટમાં રજૂ કરવામાં આવશે. આ દરમિયાન શાહરૂખ ખાનના વકીલ આર્યનના જામીનની માંગ કરશે. આ બધાની વચ્ચે અભિનેતા સલમાન ખાન મિત્ર શાહરૂખ ખાનને મળવા 'મન્નત' પર પહોંચ્યો અને સાંત્વના આપી.

મોડી રાત્રે સલમાન ખાન મન્નતની બહાર જોવા મળ્યો હતો. સલમાન શાહરૂખના ઘરે પહોંચવાનો સલમાન કારમાં બેસીને શાહરૂખ ખાનના બંગલા મન્નતમાં પ્રવેશ કરી રહ્યો છે. એવું કહેવામાં આવી રહ્યું છે કે મિત્ર હોવાના કારણે સલમાન મુશ્કેલીના સમયમાં શાહરુખ ખાનની હાલત જાણવા ગયો હતો.

વાસ્તવમાં આ હાઇપ્રોફાઇલ રેવ પાર્ટી કેસમાં શાહરૂખ ખાનના પુત્ર આર્યન ખાન સહિત 3 લોકોની ધરપકડ કરવામાં આવી છે. એનસીબી આર્યનની પૂછપરછ કરી રહી છે, તેમજ આર્યન સહિત તમામ આરોપીઓની જે જે હોસ્પિટલમાં તબીબી તપાસ કરવામાં આવી હતી. કોર્ટે આર્યન ખાન, અરબાઝ મર્ચન્ટ અને મુનમુન ધામેચાને 4 ઓક્ટોબર સુધી NCB કસ્ટડી આપી હતી. હવે આ કેસની સુનાવણી સોમવારે બપોરે યોજાશે.

NCB ને એવી ટિપ મળી હતી કે 'Cordelia the Impress' ક્રૂઝમાં કંઈક ખોટું થવાની સંભાવના છે. આવી સ્થિતિમાં NCB ના અધિકારીઓએ ક્રુઝ પર સંપૂર્ણ તૈયારી કરી અને દરોડા પાડ્યા. તે પાર્ટીમાં લગભગ 600 લોકો હાજર હતા. મીડિયા રિપોર્ટ્સ અનુસાર, શાહરૂખ ખાનના પુત્ર આર્યન સાથે 8 લોકોની અટકાયત કરવામાં આવી છે, જેમાં 3 છોકરીઓ પણ છે. NCB એ પાર્ટીમાં દરોડા દરમિયાન 8 લોકોની અટકાયત કરી હતી. આ પછી દરેકની પૂછપરછ કરવામાં આવી અને બાદમાં 3 લોકોની ધરપકડ કરવામાં આવી. જેમાં આર્યન ખાન, અરબાઝ મર્ચન્ટ અને મુનમુન ધામેચા સામેલ છે.