અભિનેતા દિલીપ કુમારના અંતિમ દર્શન માટે ઘરે પહોંચ્યા બોલીવુડ સેલેબ્સ, જુઓ આ તસવીરો
બોલીવુડના દિગ્ગજ અભિનેતા દિલીપ કુમારનું આજે સવારે મુંબઇની હિન્દુજા હોસ્પિટલમાં નિધન થયું છે. સવારે 10 વાગ્યે તેમનો મૃતદેહ હોસ્પિટલથી તેમના ઘરે લઈ જવામાં આવ્યો હતો. તેમના અંતિમ સંસ્કાર આજે સાંજે કરવામાં આવશે. આ પહેલા બોલીવુડ સેલેબ્સ અંતિમ દર્શન માટે તેમના ઘરે પહોંચી રહ્યા છે.
અભિનેતા શાહરૂખ ખાન, પત્ની ગૌરી ખાન સાથે દિલીપકુમારની છેલ્લી ઝલક માટે પહોચ્યા હતા. ગૌરી ખાન વ્હાઇટ આઉટફિટમાં છે જ્યારે શાહરૂખ ખાને વ્હાઇટ ટી-શર્ટ અને બ્લુ જીન્સ પહેરી હતી.
બોલીવુડ અભિનેત્રી વિદ્યા બાલન પણ દિલીપકુમારની અંતિમ દર્શન માટે પહોંચી હતી. વિદ્યા બાલન અને સિદ્ધાર્થ રોય કપુર બંનેએ માસ્ક પહેરેલા હતા. બંને કાળા વસ્ત્રોમાં અહીં પહોંચ્યા છે.
જ્યારે બોલિવૂડના દિગ્ગજ અભિનેતા ધર્મેન્દ્ર પણ દિલીપ કુમારના ઘર બહાર કારમાં દેખાયા. ધર્મેન્દ્ર પણ દિગ્ગજ અભિનેતાની છેલ્લી ઝલક માટે પહોચ્યા હતા. તેના ચહેરા પર ભાવુકતા જોઇ શકાય છે. ધર્મેન્દ્રએ અંતમાં અભિનેતા દિલીપ કુમાર સાથે 'પરી' અને 'અનોખા મિલન' જેવી ફિલ્મોમાં કામ કર્યું હતું.
મહારાષ્ટ્રના મુખ્યમંત્રી ઉદ્ધવ ઠાકરે અને તેમના પુત્ર આદિત્ય ઠાકરે પણ દિલીપ કુમારની અંતિમ દર્શને પહોંચ્યા હતા. આદિત્ય ઠાકરેએ ત્યાં હાજર લોકો સાથે વાત કરી અને તેમને દિલાસો આપ્યો. ઉદ્ધવ ઠાકરે દિલીપકુમારની પત્ની સાયરા બાનુને પણ મળ્યા અને આશ્વાસન આપ્યું.
ફિલ્મ નિર્માતા કરણ જોહર પણ દિગ્ગજ અભિનેતાના અંતિમ દર્શને પહોચ્યા. કરણ જોહર આ દરમિયાન બ્લેક આઉટફિટમાં જોવા મળ્યો હતો.
