Connect Gujarat
મનોરંજન 

શું સિમ્બાનો પાર્ટ 2 આવી રહ્યો છે? ફિલ્મને લઈને રણવીર સિંહે કરી મોટી વાત

સિંઘમના પ્રથમ અને બીજા પાર્ટની સફળતા પછી, રોહિત શેટ્ટીએ 2018 માં રણવીર સિંહ અને સારા અલી ખાન અભિનીત સિમ્બા રજૂ કરી.

શું સિમ્બાનો પાર્ટ 2 આવી રહ્યો છે? ફિલ્મને લઈને રણવીર સિંહે કરી મોટી વાત
X

સિંઘમના પ્રથમ અને બીજા પાર્ટની સફળતા પછી, રોહિત શેટ્ટીએ 2018 માં રણવીર સિંહ અને સારા અલી ખાન અભિનીત સિમ્બા રજૂ કરી. આ ફિલ્મે વિશ્વભરમાં 390 કરોડ રૂપિયાની કમાણી કરી, બોક્સ ઓફિસ પર ધૂમ મચાવી. ત્યારબાદ દિગ્દર્શકે તેમની પોલીસ ફ્રેન્ચાઇઝી 'સૂર્યવંશી' હેઠળ ચોથી ફિલ્મની જાહેરાત કરી, જે નવેમ્બર 2021માં રિલીઝ થઈ. પરંતુ ચાહકો હજુ પણ રણવીર સિંહ સ્ટારર ફિલ્મ 'સિમ્બા'ની સિક્વલની રાહ જોઈ રહ્યા છે.

સિમ્બા 2 માટે દર્શકોની આતુરતા જોઈને, જ્યારે રણવીર સિંહને તાજેતરમાં સિમ્બાની સિક્વલ વિશે પૂછવામાં આવ્યું, ત્યારે અભિનેતાએ કહ્યું, "જો સિમ્બા 2 રીલીઝ નહિ તો હું ખૂબ જ નિરાશ થઈશ. સિમ્બાનું પાત્ર મારા પ્રિય પાત્રોમાંનું એક છે. હકીકતમાં, સિમ્બાને હંમેશા ફ્રેન્ચાઇઝી તરીકે ડિઝાઇન કરવામાં આવી હતી. તેથી, જ્યારે પણ રોહિત (શેટ્ટી) ભાઈ ફોન કરશે, હું ત્યાં હાજર રહીશ. પરંતુ, સિમ્બા 2 આવશે. આ મારી મનપસંદ ફિલ્મોમાંની એક છે અને મારું અત્યાર સુધીનું મનપસંદ પ્રદર્શન છે. હું તે કરીશ કારણ કે મને તે ખૂબ ગમે છે.

Next Story
Share it