સાઉથનો સુપરસ્ટાર મહેશ બાબુ કોરોનાની ઝપેટમાં, હોમ ક્વોરન્ટાઈન થયો

સાઉથ સિનેમાના સુપરસ્ટાર મહેશ બાબુ કોવિડ-19ની ઝપેટમાં આવી ગયા છે. દેશભરમાં કોરોનાની ઝડપ વધી રહી છે. એક પછી એક અનેક મામલા સામે આવી રહ્યા છે. પહેલા સ્વરા ભાસ્કર અને હવે મહેશ બાબુએ ફેન્સને તેમના કોરોના વાયરસના ચેપ વિશે માહિતી આપી છે.

ગુરુવારે મહેશ બાબુએ ટ્વિટર પર આ માહિતી આપી હતી. તેણે લખ્યું, 'હું મારા ચાહકો અને શુભેચ્છકોને કહેવા માંગુ છું કે તમામ સાવચેતી રાખવા છતાં હું કોરોના સંક્રમિત થઈ ગયો છું. મને હળવા લક્ષણો છે. મેં મારી જાતને ઘરે ક્વોરન્ટાઈન થયું છું અને તબીબી માર્ગદર્શિકાનું પાલન કરી રહ્યો છું. આ સિવાય મહેશે ચાહકોને સાવચેત રહેવા માટે પણ કહ્યું હતું. તેણે લખ્યું મારા સંપર્કમાં આવનાર તમામ લોકોને વિનંતી છે કે તેઓ તેમનો કોરોના ટેસ્ટ કરાવે. જેમણે તેમની રસી લીધી નથી તેઓ વહેલી તકે રસી લેવા વિનંતી કરી છે. આ તમારા લક્ષણોને ગંભીર બનતા અટકાવશે અને તમારે હોસ્પિટલમાં દાખલ થવાની જરૂર પડશે નહીં. કોવિડ નિયમોનું પાલન કરો અને સુરક્ષિત રહો.