ગાંધીનગર : કલોલમાં ONGC પાઇપ લાઇનમાં ધડાકો થતા બે મકાનો થયા ધરાસાઇ, ત્રણથી ચાર લોકોને પહોંચી ગંભીર ઇજાઓ

ગાંધીનગરમાં કલોલની ગાર્ડન સિટી સોસાયટીમાં બંધ પડી રહેલાં બે મકાનમાં ONGC પાઇપ લાઇનમાં લીકેજના લીધે બ્લાસ્ટ થતાં બે મકાન ધરાશાયી થયાં છે. આ ઘટનામાં ત્રણ થી ચાર લોકોને ઇજાઓ પહોંચી હોવાની માહિતી મળી રહી છે. બનાવની જાણ થતાં પોલીસ, ગેસ કંપની તેમજ ફાયરની ટીમ પણ ઘટનાસ્થળે આવી પહોંચી હતી.

અંદાજે સવારે 7:30 વાગે બ્લાસ્ટની ઘટનાથી આસપાસના લોકો દોડી આવ્યા હતા. હાલમાં ફાયર-પોલીસ તેમજ ગેસની કંપની ઘટનાસ્થળે તપાસ કરી રહી છે તેમજ બ્લાસ્ટ થવાનું કારણ શું છે એ અંગે હજી કોઈ જાણકારી મળી નથી.