2 ઓક્ટોબર ગાંધીજયંતિ નિમિત્તે ગુજરાત સરકારે કરી એક મહત્વની જાહેરાત
રાષ્ટ્રપિતા મહાત્મા ગાંધીજીની જન્મજયંતિ નિમિતે મુખ્યમંત્રી વિજય રૂપાણી દ્વારા એક મહત્વની જાહેરાત કરવામાં આવી છે. ખાદી વસ્ત્રોના વેચાણ પર 20 % ડિસ્કાઉન્ટની જાહેરાત કરવામાં આવી છે. અને ડિસ્કાઉન્ટનો લાભ 5 ઑક્ટોબરથી 31 ડિસેમ્બર સુધી ચાલું રહેશે.
મુખ્યમંત્રી વિજય રૂપાણીએ રાષ્ટ્રપિતા મહાત્મા ગાંધીજીની જન્મ જયંતિ અવસરે સમગ્ર રાજ્યમાં આગામી 5 ઓકટોબરથી 31 ડિસેમ્બર સુધી ખાદીના વેચાણમાં 20 ટકા વળતર આપવાની જાહેરાત કરી છે. ખાદીનો વ્યાપ જન જન સુધી વિસ્તરે અને લોકો ખાદી ખરીદે એ માટે આ ડિસ્કાઉન્ટ જાહેર કરવામાં આવ્યુ છે. અને સાથે લઘુ ઉદ્યોગો થકી આજીવિકા મેળવતા ગ્રામીણ પરિવારોના ઉત્કર્ષ માટે.
ખાદી વણાટ અને ખાદી વસ્ત્ર ઉદ્યોગ દ્વારા લઘુ ઉદ્યોગો થકી આજીવિકા મેળવતા ગ્રામીણ પરિવારોના જીવનમાં આર્થિક ઉન્નતિ આવે તેવા ભાવ સાથે મુખ્યમંત્રી દ્વારા આ જાહેરાત કરવામાં આવી છે.
રાજ્યમાં કોઈ પણ ખાદી ભંડારમાં 5 ઓક્ટોબરથી 31 ડીસેમ્બર સુધી ખાદીની ખરીદી પર 20 ટકા વળતર મળશે. ખાદીને પ્રોત્સાહન આપવા માટે આ નિર્ણય લેવાયો છે. અને આજ રોજ ગાંધીજીની જન્મ જયંતિ પર આ જાહેરાત કરવામાં આવી છે.
