બોલિવૂડ એકટર કાર્તિક આર્યન ફરી કોવિડનો બન્યો શિકાર

દેશમાં જૂન મહિનાની શરૂઆતથી કોરોના કેસ વધવા લાગ્યા છે. બોલિવૂડ એકટર કાર્તિક આર્યન છેલ્લા કેટલાક દિવસોથી તેની ફિલ્મ ભૂલ ભુલૈયા 2 ની સફળતાનો આનંદ માણી રહ્યો છે. કાર્તિકની ફિલ્મ ભૂલ ભુલૈયા 2ને મળી રહેલા જબરદસ્ત પ્રતિસાદથી તેના ચાહકો પણ ખૂબ જ ખુશ છે. પરંતુ હવે કાર્તિકના ચાહકો માટે એક ખરાબ સમાચાર છે.

કાર્તિક ફરી કોવિડનો શિકાર બન્યો છે. આ જાણકારી કાર્તિકે પોતે સોશિયલ મીડિયા દ્વારા આપી છે. કાર્તિકે પોતાનો ફોટો શેર કર્યો છે જેમાં તે બ્લેક સૂટ પહેરેલો જોવા મળી રહ્યો છે અને તેણે હાથ જોડી દીધા છે. તેનો આ ફોટો શેર કરીને કાર્તિકે એવું કેપ્શન લખ્યું છે કે તેને વાંચીને ચાહકો તો નારાજ છે, પરંતુ તેની વિચિત્ર સ્ટાઇલથી તેના ચહેરા પર હાસ્ય પણ આવી ગયું છે