કોરોના અપડેટ : સક્રિય કેસ 14 હજારને પાર, 24 કલાકમાં 54 લોકોના મોત

દેશમાં ફરી એકવાર કોરોના માથું ઉંચકતું જોવા મળી રહ્યું છે. છેલ્લા 24 કલાકમાં 2451 નવા સંક્રમિત મળી આવ્યા છે. એક્ટિવ કેસ પણ વધીને 14 હજારથી વધુ થઈ ગયા છે.

શુક્રવારે કેન્દ્રીય સ્વાસ્થ્ય મંત્રાલય દ્વારા જારી કરવામાં આવેલા આંકડા મુજબ, છેલ્લા 24 કલાકમાં કોરોનાથી 54 લોકોના મોત થયા છે. આ સાથે કુલ મૃત્યુઆંક વધીને 5,22,116 થઈ ગયો છે. છેલ્લા કેટલાક દિવસોથી નવા સંક્રમિતોની સંખ્યા વધી રહી છે. નવા કેસના આગમન સાથે, સક્રિય કેસ વધીને 14,241 થઈ ગયા છે. દેશમાં સક્રિય કેસ કુલ કેસના 0.03 ટકા છે. જો કે, સારી વાત એ છે કે કોરોના રિકવરી રેટ 98.75 ટકા પર યથાવત છે. ગત રોજ 2380 નવા સંક્રમિત મળી આવ્યા હતા અને 56 કોરોના દર્દીઓના મોત થયા હતા. તેમાંથી કેરળ રાજ્યમાંથી 53 જૂના મૃત્યુ નોંધાયા છે. શુક્રવારે દેશમાં સંક્રમિત દર્દીઓની કુલ સંખ્યા વધીને 4,30,52,425 થઈ ગઈ છે. ગુરુવારે સક્રિય કેસ 13,433 હતા. શુક્રવારે તેમાં 808નો વધારો થયો હતો. વધુ 54 મૃત્યુ સાથે કુલ મૃત્યુઆંક 5,22,116 પર પહોંચી ગયો છે.