Connect Gujarat
ગુજરાત

દાહોદ : જેકોટ નજીક 108 એમ્બ્યુલન્સ અને ટ્રક વચ્ચે સર્જાયો ગમખ્વાર અકસ્માત, એમ્બ્યુલન્સનો બુકડો

દાહોદ : જેકોટ નજીક 108 એમ્બ્યુલન્સ અને ટ્રક વચ્ચે સર્જાયો ગમખ્વાર અકસ્માત, એમ્બ્યુલન્સનો બુકડો
X

દાહોદ જિલ્લાના ઈન્દોર-અમદાવાદ હાઇવે ઉપર જેકોટ ગામ નજીક ઉભેલી ટ્રક અને 108 એમ્બ્યુલન્સ વચ્ચે ગમખ્વાર અકસ્માત સર્જાયો હતો. અકસ્માતમાં 4 લોકોને ઇજા પહોચતા સારવાર અર્થે વડોદરાની હોસ્પિટલમાં ખસેડવામાં આવ્યા હતા.

મળતી માહિતી અનુસાર, ગત રાત્રિના સમયે ઈન્દોર-અમદાવાદ હાઇવે રોડ ઉપર ઉભેલી એક ટ્રકમાં 108 ઈમરજન્સી સેવાની એમ્બ્યુલન્સ પાછળ ઘુસી જતા ગમખ્વાર અકસ્માત સર્જાયો હતો. અકસ્માતના પગલે 108 એમ્બ્યુલન્સના પાઇલોટ તથા સહકર્મી સહિત 4 લોકોને ગંભીર ઈજાઓ પહોચી હતી. અકસ્માતના બનાવની જાણ થતા જ અન્ય 108 એમ્બ્યુલન્સ અને પોલીસ કાફલો તાત્કાલિક ઘટના સ્થળે દોડી આવ્યો હતો, ત્યારે અકસ્માતમાં ઇજા પામેલ તમામ ઇજાગ્રસ્તોને સારવાર અર્થે વડોદરાની હોસ્પિટલ ખાતે ખસેડવામાં આવ્યા હતા. જોકે, અકસ્માત એટલો ગંભીર હતો કે, 108 એમ્બ્યુલન્સના આગળના ભાગે મોટું નુકશાન થવા પામ્યું હતું.

Next Story
Share it