મુંબઈ સ્ટાઇલ પાવ ભાજી.
પાવભાજી વિશે કશું જણાવવાની જરૂર નથી. તે નાના – મોટા બધાની મનપસંદ વાનગી છે. તો આજે બનાવીએ બધાની મનપસંદ વાનગી મુંબઈ સ્ટાઈલમાં.
સામગ્રી :
– 4 મિડિયમ બટાટા સમારેલા
– 1/2 કપ વટાણા
– 1/4 કપ ફણસી સમારેલી
– 1 મિડિયમ ગાજર સમારેલ
– 1/4 કોલી ફલાવર
– 1 મિડિયમ કેપ્સીકમ સમારેલ
– 2 મિડિયમ કાંદા સમારેલા
– 1 નાનો કાંદો સમારેલ ભાજી સજાવવા માટે
– 4 મિડિયમ ટામેટા સમારેલ
– 100 ગ્રામ બટર
– 2 ટેબલસ્પુન સુકો પાવભાજી મસાલો (કોઈપણ બ્રાન્ડનો અથવા નીચે આપેલ રીત પ્રમાણે)
– 1 ટી સ્પુન આદુ પેસ્ટ
– 1 ટી સ્પુન ગાર્લિક પેસ્ટ
– 1 1/2 ટી સ્પુન વિનેગર
– 1 ટી સ્પુન લાલ મરચા પાવડર
– 1 ટી સ્પુન જીરા પાવડર
– 1/2 ટી સ્પુન જીરૂ
– 1-2 કપ વેજીટેબલ સ્ટોક
– 1 ટી સ્પુન કોથમીર સમારેલી + 1 ટી સ્પુન સજાવવા માટે
– 1 લીંબુનો રસ
– લીંબુની ગોલ કાતરી
– મીઠું સ્વાદ મુજબ
– 10-12 નાના પાવ
– બટર પાવ શેકવા માટે
– 2 ટી સ્પુન લાલ ચટણી (નીચે આપેલ રીત પ્રમાણે)
પાવભાજી મસાલા માટે :
– 1 ટી સ્પુન ધાણા પાવડર
– 1 ટી સ્પુન લાલ મરચી પાવડર
– 1 ટી સ્પુન જીરા પાવડર
– 1/2 ટી સ્પુન મરી પાવડર
– 1/2 ટી સ્પુન આમચુર
– 2 તેજપત્તા
– 3 લવિંગ
– 1/2 ઈંચ સુંઠ
– 1 ચકરી ફુલ (બાદિયાન)
– 1/2 ટી સ્પુન મેથી
– 1/2 એલચાના દાણા
– 1/2 ઈંચ તજ
– 1/2 ટી સ્પુન ચાટ મસાલા
બધા મસાલા શેકી પીસી લો.
લાલ ચટણી માટે :
– 1 નાનો કાંદો સમારેલ
– 3 ટી સ્પુન લાલ મરચી પાવડર
– 8 લસણની કળીની પેસ્ટ
– 1/2 ટી સ્પુન જીરૂ
– 1 1/2 વિનેગર
– 1/2 ટી સ્પુન કલોંજી (ઓપશનલ)
– 1 ટી સ્પુન બટર
બધી સામગ્રીને ભેગી કરી 5 મિનિટ રાંધો. પેસ્ટ બનાવો.
રીત :
– બધી સબ્જી બાફી લો.
– સબ્જી રંધાય એટલે વેજીટેબલ સ્ટોક અને બાફેલી સબ્જી અલગ કરો.
– સબ્જીને થોડી મેસ કરો.
– પેનમાં અડધો બટર લો.
– જીરાનો વઘાર કરી કાંદાને સાંતળો.
– કેપ્સીકમ નાખીને તેને પણ સાંતળો.
– મેસ સબ્જી અને વિનેગાર ઉમેરી બરાબર મિક્સ કરી બાજુએ મુકો.
– પેન માં બચેલો બટર લઈ ટામેટા, આદુ-લસણની પેસ્ટ, લાલ મરચા પાવડર, જીરા પાવડર,
સુકો પાવભાજી મસાલો , મીઠુું લો.
– બધા મસાલા એકદમ મિક્સ થઈ જાય ત્યારે સબ્જીનું મિશ્રણ નાખી હલાવો.
– વેજીટેબલ સ્ટોક ઉમેરી ભાજીને ચઢવા દો.
– સતત હલાવા રહીને લીંબુનો રસ ઉમેરો.
– કોથમીર ઉમેરો.
– તવાને ગરમ કરી બટર લગાડી પાવ શેકો.
– મસાલા પાવ માટે લાલ ચટણી પણ ચોપડવી.
સર્વ કરતી વખતે :
– ભાજીને કોથમીરથી સજાવો.
– પ્લેટમાં કાંદા, બટર, લાલ ચટણી સાથે પાવ અને ભાજી સર્વ કરો.