ભારતીય ક્રિકેટ ટીમના ઓલરાઉન્ડર હાર્દિક પંડ્યાના પિતાનું શનિવારે અવસાન થયું છે. હિમાંશુ પંડ્યાના નિધનના સમાચાર મળ્યા બાદથી પંડ્યા પરિવાર મુશ્કેલીમાં મુકાયો છે. મળતી માહિતી મુજબ તેના પિતાનું મોત હાર્ટ એટેક આવતા તેઓને ખાનગી હોસ્પિટલમાં લઈ ગયા હતા. જ્યાં રસ્તામાં જ નિધન થયું હતું. ત્યારબાદ ઘરે લઈ આવ્યા હતા. 4 વાગ્યા આસપાસ વડોદરા વાસનાભાયલી રોડ ખાતે આવેલા ઘરેથી અંતિમયાત્રા કાઢવામાં આવશે. ત્યારબાદ વડીવાડી સ્મશાનમાં અંતિમસંસ્કાર કરવામાં આવશે. પૂર્વ ભારતીય ક્રિકેટ ટીમના વિકેટકિપેર કિરણ મોરે પણ પહોંચ્યા હતા.
પિતાના અવસાનના ખરાબ સમાચારો મળ્યા બાદ કૃણાલ ખૂબ જ દુખી છે. ક્રુનાલે સૈયદ મુસ્તાક અલી ટ્રોફીમાં બરોડાની કેપ્ટનશીપ છોડી દીધી છે. આ સમાચાર મળતાની સાથે જ તેણે બાયો બબલમાંથી બહાર નીકળી ગયો. હવે તે આ ટૂર્નામેન્ટમાં ટીમ તરફથી રમી શકશે નહીં. તે ટીમ માટે અત્યાર સુધી ચાર મેચ રમ્યો છે. જેમાં તેણે પ્રથમ મેચમાં ઉત્તરાખંડ સામે રમતી વખતે ચાર વિકેટ ઝડપી છે, ક્રુનાલે પણ 76 રનની ઝડપી ઇનિંગ રમી હતી.
હાર્દિક પંડ્યા સૈયદ મુસ્તાક અલી ટ્રોફીમાં રમી રહ્યો નથી, તે ફેબ્રુઆરીમાં ઇંગ્લેન્ડ સાથેની શ્રેણીની તૈયારી કરી રહ્યો છે. હાર્દિકે તાજેતરમાં ઑસ્ટ્રેલિયામાં રમાયેલી ટી -20 અને વનડે સિરીઝમાં ખૂબ સારું પ્રદર્શન કર્યું હતું. તે ઈજાના કારણે બોલિંગ કરી રહ્યો નથી જેના કારણે તેને ટેસ્ટ ટીમમાં સ્થાન આપવામાં આવ્યું નથી.
