આર્યન ખાનની જામીન પર આજે ફરી થશે સુનાવણી, બધાની નજર ચુકાદા પર

શાહરૂખ ખાનનો પુત્ર આર્યન ખાન 2 ઓક્ટોબરથી નાર્કોટિક્સ કંટ્રોલ બ્યુરોના રડાર પર છે. 2 ઓક્ટોબરના રોજ, એનસીબીએ આર્યનને મુંબઈથી ગોવા જતી ક્રુઝમાંથી અટકાવ્યો હતો જ્યાં રેવ પાર્ટી ચાલી રહી હતી. આ પછી એનસીબીએ આર્યનની પૂછપરછ કરી અને તેની ધરપકડ કરી. આ કેસની અત્યાર સુધી ત્રણ વખત સુનાવણી થઈ છે. અને આર્યન ખાનની જામીન અરજી ત્રણેય વખત ફગાવી દેવામાં આવી છે. છેલ્લી સુનાવણી 8 ઓક્ટોબરે મુંબઈની ચીફ મેટ્રોપોલિટન મેજિસ્ટ્રેટ કોર્ટમાં થઈ હતી જ્યાં આર્યનની જામીન અરજી ફગાવી દેવામાં આવી હતી. મુંબઈના ચીફ મેટ્રોપોલિટન મેજિસ્ટ્રેટ આર.એમ.નેરલીકરે આર્યનની જામીન અરજી ફગાવી દીધી હતી.અને કહ્યું કે આ કોર્ટ આ અરજી માટે યોગ્ય જગ્યા નથી.

હવે આજે ફરીવાર આર્યનના વકીલ સતીશ માનશિંદ ફરી આર્યનની મુક્તિ માટે કોર્ટમાં અરજી કરશે. આજે નક્કી થશે કે આર્યન જેલમાંથી બહાર આવશે કે પછી તેને થોડા વધુ દિવસ જેલમાં રહેવું પડશે. હાલમાં શાહરૂખ ખાનનો પુત્ર આર્થર રોડ જેલમાં બંધ છે. જ્યારે NCB એ 2 ઓક્ટોબરના રોજ ક્રૂઝ પર દરોડો પાડ્યો ત્યારે આર્યન, તેનો મિત્ર અરબાઝ મર્ચન્ટ અને મુનમુન ધામેચા નામની એક છોકરીને પણ ત્યાંથી અટકાયતમાં લેવામાં આવ્યા હતા, જે બાદ તેમની પણ ધરપકડ કરવામાં આવી હતી. આ કેસમાં અત્યાર સુધીમાં આ ત્રણ સહિત 20 લોકોની ધરપકડ કરવામાં આવી છે.

આર્યનની ધરપકડથી શાહરૂખને નુકસાન :-

ડ્રગ્સ કેસમાં તેમના પુત્રનું નામ આવ્યા બાદ શાહરૂખ ખાન પણ આર્થિક ફટકાનો સામનો કરી રહ્યો છે. ટીચિંગ એપ બાયજુ એડવાન્સ બુકિંગ હોવા છતાં શાહરૂખ ખાન સાથેનો કરાર સમાપ્ત કરવા જઇ રહી છે. હાલમાં, તેની જાહેરાત પર રોક લગાવી દેવામાં આવી છે. માનવામાં આવે છે કે આ નિર્ણય પાછળ સોશિયલ મીડિયા ટ્રોલ જવાબદાર છે. ખરેખર, આર્યન ખાનની ધરપકડ બાદ શાહરૂખ ખાનને ખરાબ રીતે ટ્રોલ કરવામાં આવી રહ્યો છે.