Connect Gujarat
દેશ

આશા વર્કરોને WHO તરફથી ગ્લોબલ હેલ્થ લીડર્સ એવોર્ડ મળ્યો, PM મોદીએ પાઠવ્યા અભિનંદન

વિશ્વ આરોગ્ય સંસ્થા (WHO) દ્વારા રવિવારે ભારતના 10 લાખ ASHA સ્વયંસેવકોનું સન્માન કરવામાં આવ્યું હતું.

આશા વર્કરોને WHO તરફથી ગ્લોબલ હેલ્થ લીડર્સ એવોર્ડ મળ્યો, PM મોદીએ પાઠવ્યા અભિનંદન
X

વિશ્વ આરોગ્ય સંસ્થા (WHO) દ્વારા રવિવારે ભારતના 10 લાખ ASHA સ્વયંસેવકોનું સન્માન કરવામાં આવ્યું હતું. તેમને WHO ડાયરેક્ટર-જનરલના ગ્લોબલ હેલ્થ લીડર્સ એવોર્ડથી નવાજવામાં આવ્યા હતા. આ પ્રસંગે વડાપ્રધાન નરેન્દ્ર મોદીએ આશા વર્કરોને અભિનંદન પાઠવ્યા હતા.

તેમણે પોતાના ટ્વિટર હેન્ડલ પર લખ્યું, "મને ખુશી છે કે આશા વર્કર્સની આખી ટીમને WHO ડાયરેક્ટર જનરલના ગ્લોબલ હેલ્થ લીડર્સ એવોર્ડથી સન્માનિત કરવામાં આવી છે. તમામ આશા કાર્યકરોને અભિનંદન. તેઓ સ્વસ્થ ભારતની ખાતરી કરવામાં મોખરે છે. તેમનું સમર્પણ અને નિશ્ચય પ્રશંસનીય છે. WHOના ડાયરેક્ટર-જનરલ ડૉ. ટેડ્રોસ અધાનમ ઘેબ્રેયેસસે રવિવારે વૈશ્વિક સ્વાસ્થ્યમાં નોંધપાત્ર યોગદાન, વૃદ્ધિ, નેતૃત્વ અને પ્રાદેશિક સ્વાસ્થ્ય સમસ્યાઓ પ્રત્યે પ્રતિબદ્ધતા દર્શાવવા માટે છ પુરસ્કારોની જાહેરાત કરી હતી. આ સમારોહ 75મી વર્લ્ડ હેલ્થ એસેમ્બલીના ઉદ્ઘાટન સત્રનો ભાગ હતો. માન્યતાપ્રાપ્ત સામાજિક આરોગ્ય કાર્યકર્તાઓ અથવા આશા સ્વયંસેવકો એ ભારત સરકાર સાથે જોડાયેલા આરોગ્યસંભાળ કાર્યકરો છે, જેઓ ગ્રામીણ ભારતમાં સંપર્કનું પ્રથમ બિંદુ છે. દેશમાં કોરોના વાયરસ વૈશ્વિક રોગચાળાના શિખર દરમિયાન ઘરે-ઘરે જઈને આ રોગચાળાના દર્દીઓને ઓળખવા માટે આમાંથી ઘણા લોકોના નામ ચર્ચામાં આવ્યા હતા.

Next Story
Share it