Connect Gujarat
દેશ

હેલિકોપ્ટર ક્રેશ દુર્ઘટનામાં જનરલ બિપિન રાવતના પત્નીનું નિધન, સાંજે 6.30 કલાકે CCSની બેઠક

તામિલનાડુના કુન્નુરના જંગલમાં બુધવારે બપોરે લગભગ 12:20 વાગ્યે સેનાનું MI-17V5 હેલિકોપ્ટર ક્રેશ થઈ ગયું હતું.

હેલિકોપ્ટર ક્રેશ દુર્ઘટનામાં જનરલ બિપિન રાવતના પત્નીનું નિધન, સાંજે 6.30 કલાકે CCSની બેઠક
X

તામિલનાડુના કુન્નુરના જંગલમાં બુધવારે બપોરે લગભગ 12:20 વાગ્યે સેનાનું MI-17V5 હેલિકોપ્ટર ક્રેશ થઈ ગયું હતું. ગાઢ જંગલમાં હેલિકોપ્ટર દુર્ઘટનાગ્રસ્ત થયા પછી એમાં આગ લાગી ગઈ હતી. એમાં ચીફ ઓફ ડિફેન્સ સ્ટાફ (CDS) જનરલ બિપિન રાવત, તેમનાં પત્ની મધુલિકા સહિત સેનાના 14 ઓફિસર સવાર હતા. રિપોર્ટ્સ મુજબ, અત્યારસુધીમાં 13 મૃતદેહ મળ્યા છે. પરિણામે આ દુર્ઘટનામાં જનરલ બિપિન રાવતના પત્નીનું નિધન થયું હોવાનું જાણવા મળે છે. દુર્ઘટના પછી લગભગ એક કલાક બાદ આ જાણકારી આપવામાં આવી કે જનરલ રાવતને વેલિંગ્ટનની મિલિટરી હોસ્પિટલ લઈ જવામાં આવ્યા છે. તેમની હાલત કેવી છે એ અંગે કોઈ સત્તાવાર નિવેદન આવ્યું નથી. કેટલાક રિપોર્ટ્સમાં દાવો કરવામાં આવી રહ્યો છે કે જનરલ બિપિન રાવત ગંભીર રીતે ઘાયલ છે. આ બાબતે આજે સાંજે 6.30 કલાકે પી.એમ મોદીની અધ્યક્ષતામાં CCS કેબિનેટ કમિટી ઓન સિક્યોરિટીની બેઠક મળશે

Next Story
Share it