હોસ્પિટલમાંથી લાલુ યાદવની તસવીર આવી સામે, પુત્રી રોહિણી આચાર્યએ ફોટો શેર કરીને લખી ઈમોશનલ પોસ્ટ
રાષ્ટ્રીય જનતા દળ (RJD) ના સ્થાપના દિવસ પર લાલુ પ્રસાદ યાદવની પુત્રીએ તેના પિતાની ભાવનાત્મક તસવીરો શેર કરી છે.
રાષ્ટ્રીય જનતા દળ (RJD) ના સ્થાપના દિવસ પર લાલુ પ્રસાદ યાદવની પુત્રીએ તેના પિતાની ભાવનાત્મક તસવીરો શેર કરી છે. જેમાં લાલુ પ્રસાદ યાદવને હોસ્પિટલમાં દાખલ બતાવવામાં આવ્યા છે. આમાં લાલુ ખૂબ જ નબળા અને બીમાર દેખાઈ રહ્યા છે. ફોટો શેર કરતી વખતે લાલુ યાદવની પુત્રી રોહિણીએ લખ્યું કે પપ્પા તેમના માટે એક હીરો જેવા છે. જેમને તે ઝડપથી સ્વસ્થ થવાની કામના કરે છે. તમને જણાવી દઈએ કે આજે લાલુ પ્રસાદ યાદવની પાર્ટી રાષ્ટ્રીય જનતા દળ (RJD)નો 26મો સ્થાપના દિવસ છે. પરંતુ લાલુ હાલમાં હોસ્પિટલમાં છે તેના કારણે કોઈ પણ પ્રકારની ઉજવણી કરવામાં આવશે નહીં. પાર્ટીના સ્થાપના દિવસ પર માત્ર પાર્ટીનું સભ્યપદ અભિયાન ચલાવવામાં આવશે.
લાલુ પ્રસાદ યાદવની પુત્રી રોહિણીએ બે ફોટા શેર કર્યા છે. આમાં તે અને પિતા લાલુ યાદવને વીડિયો કોલ દ્વારા જોઈ રહ્યાં છે જેમાં તે ઈમોશનલ દેખાઈ રહી છે.
My hero
— Rohini Acharya (@RohiniAcharya2) July 5, 2022
My backbone Papa🙏
Get well soon 🤞
हर बाधाओं से जिसने पाई है मुक्ति
करोड़ों लोगों की दुआएं है जिनकी शक्ति🙏 pic.twitter.com/36ndAbRnTG
જણાવી દઈએ કે આરજેડી સુપ્રીમો લાલુ પ્રસાદ યાદવ હાલ પટનાની પારસ હોસ્પિટલના સર્જિકલ આઈસીયુમાં દાખલ છે. લાલુ રવિવારે પૂર્વ મુખ્યમંત્રી રાબડી દેવીના 10, સર્ક્યુલર રોડ ખાતેના સત્તાવાર નિવાસસ્થાન પર સીડી પરથી પડી ગયા હતા, જ્યાં તેઓ તેમના પરિવાર સાથે રહે છે, અને તેમના જમણા ખભામાં ફ્રેક્ચર અને પીઠમાં ઈજા થઈ હતી. રવિવારે લાલુ ખાનગી હોસ્પિટલમાં પ્રાથમિક સારવાર આપ્યા બાદ ઘરે પરત ફર્યા હતા, પરંતુ સોમવારે સવારે 3 વાગ્યે તેમની હાલત નાજુક બની જતાં તેમને પટનાની પારસ હોસ્પિટલમાં લઈ જવામાં આવ્યા હતા.