આઠ વર્ષ પછી શરૂ થઈ ભારત-નેપાળ મિત્રતા ટ્રેન સેવા, જાણો મુસાફરી માટે જરૂરી દસ્તાવેજો અને અન્ય ખાસ બાબતો

પાકિસ્તાન અને બાંગ્લાદેશ બાદ હવે ભારત અને નેપાળ વચ્ચે પણ ટ્રેન સેવા શરૂ થઈ છે. ટ્રેન બિહારના મધુબની જિલ્લાના જયનગરથી નેપાળના જનકપુરધામ થઈને કુર્થા જશે. ભારત અને નેપાળના વડાપ્રધાને શનિવારે દિલ્હીમાં સંયુક્ત રીતે તેનું ઉદ્ઘાટન કર્યું હતું. મુખ્ય ઉદ્દઘાટન સમારોહ જયનગરમાં યોજાયો હતો. આ ટ્રેન સેવાનો લાભ બંને દેશોના મુસાફરોને મળશે.

નેપાળ રેલ્વે ટ્રેનનું નિયંત્રણ કરશે. ખાસ વાત એ છે કે ભારત અને નેપાળ સિવાય અન્ય કોઈપણ દેશના નાગરિકો ટ્રેનમાં મુસાફરી કરી શકશે નહીં. આ ટ્રેન હવે જયનગરથી કુર્થા વચ્ચે દોડશે. ભારત-નેપાળ મિત્રતા ટ્રેન સેવા શરૂ થઈ ગઈ છે. ભારતના વડા પ્રધાન નરેન્દ્ર મોદી અને નેપાળના વડા પ્રધાન શેર બહાદુર દેઉબા દ્વારા સંયુક્ત રીતે દિલ્હીથી વર્ચ્યુઅલ રીતે તેનું ઉદ્ઘાટન કરવામાં આવ્યું હતું. ડીઆરએમ આલોક અગ્રવાલે જણાવ્યું હતું કે ટ્રેનના સંચાલનની તૈયારીઓ થઈ ચૂકી છે. બીજા દિવસથી મુસાફરો માટેની કામગીરી શરૂ થઈ ગઈ છે. લગભગ આઠ વર્ષથી આ ટ્રેન સેવા બંધ હતી.

ખાસ વાત એ છે કે ટ્રેનમાં માત્ર ભારતીય અને નેપાળી મુસાફરો જ મુસાફરી કરી શકશે. અન્ય દેશોના મુસાફરોને હજુ સુધી આ ટ્રેનમાં મુસાફરી કરવાની મંજૂરી આપવામાં આવી નથી. રેલવે બોર્ડ દ્વારા જારી કરાયેલ SOPમાં તેની ચર્ચા કરવામાં આવી છે. મુસાફરોએ તેમની સાથે પાસપોર્ટ રાખવું ફરજિયાત નથી, પરંતુ તેઓએ માન્ય ફોટો આઈડી પ્રૂફ સાથે રાખવું આવશ્યક છે. મુસાફરો માટે ફોટો ID સાથે નીચેનામાંથી કોઈપણ એક ઓળખ કાર્ડ સાથે રાખવું ફરજિયાત છે...