મન કી બાત:પી.એમ.મોદીએ સેવા કાર્ય કરતાં રહેવાના લોકો પાસે માંગ્યા આશીર્વાદ !
વડાપ્રધાન નરેન્દ્ર મોદીએ રવિવારે મન કી બાતના 83મા એપિસોડમાં રાષ્ટ્રને સંબોધન કર્યું.
વડાપ્રધાન નરેન્દ્ર મોદીએ રવિવારે મન કી બાતના 83મા એપિસોડમાં રાષ્ટ્રને સંબોધન કર્યું. આ પ્રસંગે જ્યાં વડાપ્રધાને સ્વતંત્રતા અમૃત ઉત્સવનો ઉલ્લેખ કર્યો હતો. તેમણે ઓસ્ટ્રેલિયામાં બનેલી વૃંદાવન ગેલેરીનો પણ ઉલ્લેખ કર્યો હતો મોદીએ સરકારી યોજનાઓનો લાભ લઈ રહેલા લોકો સાથે પણ વાત કરી હતી. જ્યારે આવા જ એક વ્યક્તિ રાજેશ કુમારે મોદીને સત્તામાં બની રહેવા માટેના આશીર્વાદ આપ્યા હતા, ત્યારે પીએમે કહ્યું કે મને સત્તામાં રહેવાના આશીર્વાદ ન આપો, હું હંમેશા સેવામાં વ્યસ્ત રહેવા માંગુ છું. આઝાદીમાં આદિવાસી સમુદાયના યોગદાનને ધ્યાનમાં રાખીને દેશમાં પણ આદિવાસી ગૌરવ સપ્તાહની ઉજવણી કરવામાં આવી છે. દેશના વિવિધ ભાગોમાં આને લગતા કાર્યક્રમો પણ યોજાયા હતા. અંદમાન અને નિકોબાર ટાપુમાં જારાવા અને ઓંગે જેવા આદિવાસી સમુદાયના લોકોએ તેમની સંસ્કૃતિ પ્રદર્શિત કરી હતી. મોદીએ સંબોધન કરતાં કહ્યું કે જ્યારે આપણે પ્રકૃતિનું જતન કરીએ છીએ ત્યારે કુદરત પણ આપણું રક્ષણ કરે છે. આ ઉદાહરણ તમિલનાડુના તુતુગુડીનું છે. અહીંના ઘણા વિસ્તારોના દરિયામાં ડૂબી જવાનો ભય રહેતો હતો. લોકો તેનો પ્રકૃતિ દ્વારા જ ઉપાય શોધ્યો. લોકોએ એવા ખાસ પ્રકારના છોડ લગાવ્યા, જે વાવાઝોડું અને પૂરમાં પણ ટકી રહે છે. આવા જ પ્રયાસો અન્ય જગ્યાએ પણ કરવામાં આવી રહ્યા છે.
