દેશમાં વધુ એક વાવાઝોડાનો ખતરો; 3 રાજ્યમાં અપાયું હાઈ એલર્ટ
વાવાઝોડાના કારણે પશ્ચિમ બંગાળ અને આંધ્ર પ્રદેશમાં હાઇ અલર્ટ આપી દેવામાં આવ્યું છે
દેશના પૂર્વ ભાગમાં વધુ એક વાવાઝોડાને લઈને એલર્ટ આપવામાં આવ્યું છે. વાવાઝોડાના કારણે પશ્ચિમ બંગાળ અને આંધ્ર પ્રદેશમાં હાઇ અલર્ટ આપી દેવામાં આવ્યું છે, આ સાથે જ ભારેથી અતિભારે વરસાદની આગાહી પણ કરવામાં આવી છે.
બંગાળની ખાડીમાં જે નવા વાવાઝોડાનો ખતરો છે તે ગુલાબ વાવાઝોડામાં ફેરવાઇ શકે છે અને જૉ આ પ્રેશર વાવાઝોડામાં ફેરવાય તો સીધું જ ઓડિશા અને આંધ્ર પ્રદેશ તરફ આગળ વધી શકે છે. અતિભારે વરસાદની આગાહી દરિયામાં થઈ રહેલ આ ઘટનાને જોતા કોલકાતા, મિદનાપુર, 24 પરગણા સહિત આખા બંગાળમાં ભારેથી અતિભારે વરસાદની આગાહી કરવામાં આવી છે. IMD અલર્ટ આપતા કોલકાતા પોલીસ કંટ્રોલ રૂમ શરૂ કરી દીધું છે અને બધા જ પોલીસ સ્ટેશનને હાઇ એલર્ટ પર રહેવાના આદેશ આપ્યા છે. આંધ્રપ્રદેશ, ઓડિશા અને બંગાળના દરિયા કિનારા પર એલર્ટ લઈને તૈયારીઓ શરૂ કરી દેવામાં આવી છે. શનિવારે જ આ રાજ્યોમાં મધ્યમ વરસાદની આગાહી કરવામાં આવી છે.