કેબિનેટની મંજૂરી: કેબિનેટે આયુષ્માન ભારત ડિજિટલ મિશનને મંજૂરી આપી, જાણો વધુ

કેન્દ્રીય કેબિનેટે બુધવારે આયુષ્માન ભારત ડિજિટલ મિશનને મંજૂરી આપી છે. પાંચ વર્ષ માટે મિશન હેઠળ રૂ. 1,600 કરોડની નાણાકીય જોગવાઈ કરવામાં આવી છે. વડાપ્રધાન નરેન્દ્ર મોદીની અધ્યક્ષતામાં મળેલી કેબિનેટની બેઠકમાં આ પ્રસ્તાવને મંજૂરી આપવામાં આવી હતી.

માહિતી અનુસાર, આયુષ્માન ભારત ડિજિટલ મિશન દ્વારા ટેક્નોલોજીના ઉપયોગ દ્વારા ગુણવત્તાયુક્ત આરોગ્ય સંભાળની સમાન અને સરળ પહોંચને મજબૂત બનાવવામાં આવશે. કહેવામાં આવ્યું છે કે આ અંતર્ગત દેશના લોકો પોતાનો આયુષ્માન ભારત હેલ્થ એકાઉન્ટ નંબર જનરેટ કરી શકશે. તેની સાથે ડિજિટલ હેલ્થ રેકોર્ડને લિંક કરી શકાય છે. આયુષ્માન ભારત ડિજિટલ મિશનનો પાયલોટ પ્રોજેક્ટ છ કેન્દ્રશાસિત પ્રદેશો લદ્દાખ, ચંદીગઢ, દાદરા અને નગર હવેલી, દમણ દીવ, પુડુચેરી, આંદામાન અને નિકોબાર ટાપુઓ અને લક્ષદ્વીપમાં પૂર્ણ કરવામાં આવ્યો છે.