ઓલપાડ : પોસ્ટ ઓફિસમાં ચાર દિવસથી જામી રહી છે યુવતીઓની ભીડ, જુઓ શું છે ઘટના
ઓલપાડની પોસ્ટ ઓફીસમાં સરકારી યોજનાના ફોર્મ ને રજીસ્ટર એડી કરવા માટે ચાર દિવસથી યુવતીઓની કતાર જોવા મળી રહી છે.
દ્રશ્યોમાં જે મહિલાઓ ની કતાર દેખાય રહી છે એ સુરત જીલ્લાના ઓલપાડ તાલુકાની મુખ્ય પોસ્ટ ઓફીસની છે. આ મહિલાઓ અને યુવતીઓ પોસ્ટ ઓફીસમાંથી દિલ્હીના સરનામે રજી.એડી કરી રહી છે. છેલ્લા ૪ દિવસ થી ઓલપાડ તથા આસપાસ ના ગામ ની મહિલાઓ વહેલી સવાર થી પોસ્ટ ઓફીસ પર રજી.એડી કરવા આવી લાઈનમાં ઉભી રહી જાય છે જોકે આ મહિલાઓ અને યુવતીઓ શેની રજી.એડી.કરી રહી છે એ આ યુવતીઓના મોઢે થી સાંભળીયે.
ઓલપાડ તથા આજુબાજુ ના વિસ્તાર માં છેલા કેટલાક સમય થી એક હિન્દી ભાષામાં છપાયેલું બેટી બચાવો બેટી પઢાવો પ્રધાન મંત્રી યોજના વાઈરલ થયું છે અને આ ફોર્મ ભરવાથી ૮ વર્ષ થી લઇ ૨૨ વર્ષ સુધી ની યુવતીઓના ખાતામાં ૨ લાખ રૂપિયા જમા થઇ જવાની વાત છે. હાલ તો આ ફોર્મને લઇ સ્થાનિક પોસ્ટ માસ્તર અને સરપંચ પણ તોબા પોકારી ઉઠયાં છે.
ફોર્મ સાથે આ મહિલાઓ ના આધાર કાર્ડ ,ચુંટણી ઓળખ કાર્ડ ,પાન કાર્ડ ,રેશન કાર્ડની કોપી તેમજ બેંક ની ડીટેલ પણ માંગવામાં આવી રહી છે અને આ મહિલાઓ રજી.એડી થી મોકલાવી રહી છે. પણ વહીવટીતંત્ર આવી કોઇ જ યોજના નહિ હોવાની સ્પષ્ટા કરી રહયું છે.
