માત્ર 20 મિનિટમાં લંચ માટે તૈયાર કરો સ્વાદિષ્ટ 'મટર કુલચા' ,ફટાફટ જાણી લો રેસેપી

તમે માત્ર 20 મિનિટમાં લંચ માટે સ્વાદિષ્ટ મટર કુલચા બનાવી શકો છો. જે બનાવવામાં ખૂબ જ સરળ છે, ચાલો જાણીએ તેની ઝટપટ રેસિપી.

મટર કુલચા બનાવવા માટેની સામગ્રી:

1 કપ સફેદ વટાણા, 1/4 ચમચી હિંગ, સ્વાદ અનુસાર મીઠું, 4 લવિંગ, 3 કપ પાણી, 1 ચમચી કાળા મરી પાવડર, 1 ચમચી ગરમ મસાલો, 1 ચમચી ચાટ મસાલો, 1 ચમચી જીરું પાવડર, 2 ચમચી આમલીનો પલ્પ, મીઠું સ્વાદાનુસાર, 2 લીલા મરચા ઝીણા સમારેલા, 1 ચમચી આદુ.

ગાર્નિશિંગ માટે :

1/2 કપ સમારેલી ડુંગળી, 1/2 કપ સમારેલા ટામેટાં, 2 ચમચી સમારેલી કોથમીર.

મટર કુલચા બનાવાની રીત :

વટાણાને આખી રાત પાણીમાં પલાળી રાખો. તેને સવારે ધોઈને પ્રેશર કૂકરમાં 3 કપ પાણી, હિંગ, લવિંગ અને મીઠું નાખીને ઉકાળો.3-4 સીટી સુધી ઉકાળો. કૂકરનું પ્રેશર પોતાની મેળે છૂટી જવા દો.વટાણાને એક વાસણમાં કાઢી લો. ગરમ મસાલો, ચાટ મસાલો, જીરું પાવડર, કાળા મરી પાવડર ઉમેરીને મિક્સ કરો.આ પછી તેમાં આમલીનો પલ્પ, બારીક સમારેલા લીલા મરચાં અને આદુ નાખીને વટાણાને સારી રીતે મિક્સ કરો.

વટાણાને ધીમી આંચ પર 10 મિનિટ સુધી પકાવો જેથી બધી વસ્તુઓ વટાણા દ્વારા સારી રીતે શોષાઈ જાય.હવે આ વટાણાને સર્વિંગ બાઉલમાં કાઢી લો. ઉપર ઝીણી સમારેલી ડુંગળી, ટામેટાં, આદુની લાકડી અને લીલા ધાણા નાંખો.

કુલચા સાથે વટાણા સર્વ કરો.