• ભરૂચ શહેરનો ચકચારી બનાવ

• 11 વર્ષીય બાળકી સાથે દુષ્કર્મ

• મોઢું દબાવી દુષ્કર્મ આચરાયું

• સી ડિવિઝન પોલીસે નરાધમની કરી ધરપકડ

• કોર્ટે 1 દિવસમાં રિમાન્ડ કર્યા મંજુર

• ખાડી દેશના યુદ્ધે વધારી ચિંતા

• ઇઝરાયેલ-ઇરાન જંગથી પરિવારો ચિંતાગ્રસ્ત

• મરોલીના યુવાનો યુદ્ધગ્રસ્ત દેશમાં ફસાયા

• પોતાના સ્વજનોને માટે પરિવારો ચિંતાગ્રસ્ત

• યુવાનો સુરક્ષિત વતન પાછા આવે તેવી માંગ 

વલસાડ જિલ્લાના ઉમરગામના દરિયા કિનારે આવેલા મરોલી ગામના પરિવારોના યુવાનો ખાડી યુદ્ધમાં ફસાતા ભારે ચિંતાનો માહોલ સર્જાયો છે.અને યુદ્ધગ્રસ્ત દેશમાંથી યુવાનોને સુરક્ષિત રીતે પરત લાવવા માટેની માંગ ઉઠવા પામી છે.

વલસાડ જિલ્લાના દરિયા કિનારે આવેલા ઉમરગામના મરોલી ગામમાં મોટેભાગે માછીમારી સમાજના પરિવારો વસે છે.ગામના લોકોનો મુખ્ય વ્યવસાય માછીમારી છે.આથી ગામના લગભગ તમામ પરિવારમાંથી કોઈને કોઈ વ્યક્તિ માછીમારી કરે છે.રોજીરોટી માટે ગામના સેંકડો યુવાનો નોકરી વ્યવસાય માટે વિદેશમાં ગયા છે. જો કે અમેરિકા-ઇઝરાઈલ અને ઈરાન વચ્ચે થઈ રહેલા યુદ્ધને કારણે સમગ્ર દુનિયામાં તેની અસર થઈ રહી છે. આ દેશોની સાથે ખાડીના  દેશોમાં પણ યુદ્ધ જેવો માહોલ જોવા મળી રહ્યો છે. આથી તેની સીધી અસર ભારતમાં પણ પડી રહી છે.

જોકે મરોલીના યુવાનો અત્યારે આવી પરિસ્થિતિમાં યુદ્ધગ્રસ્ત દેશોમાં હોવાથી અહીં વતન તેમના પરિવારજનોમાં ચિંતાનો માહોલ છે. જે લોકો ઈરાન સિવાય અન્ય ખાડીના દેશોમાં ગયા છે. તેમનો સંપર્ક પરિવારજનો સાથે થઈ રહ્યો છે. પરંતુ  યુદ્ધ શરૂ થઈ ગયા બાદ ઈરાનમાં ગયેલા લોકોનો સંપર્ક  તેમના પરિવારજનો સાથે નથી થઈ રહ્યો,તેથી  મરોલી ગામમાં ચિંતાનો માહોલ જોવા મળી રહ્યો છે.

• કડિયાવાડ વિસ્તારમાં મજાક-મસ્તીમાં ખૂની ખેલ ખેલાયો

• ગાળાગાળી બાદ બોલાચાલીમાં મિત્રએ કરી મિત્રની હત્યા

• આરોપી અન્ય મિત્રો સાથે ઇજાગ્રસ્તને હોસ્પિટલ લઈ ગયો

• સારવાર દરમ્યાન ઇજાગ્રસ્ત યુવકનું કરૂણ મોત નીપજ્યું

• પોલીસે હત્યારાની ધરપકડ કરી કડક કાર્યવાહી હાથ ધરી 

જૂનાગઢ શહેરના કડિયાવાડ વિસ્તારમાં મજાક-મસ્તી અને બોલાચાલીમાં ઉશ્કેરાયેલા મિત્રએ જ મિત્ર પર છરીથી હુમલો કરી મોતને ઘાટ ઉતારી દીધો હતો, તારે સમગ્ર મામલે પોલીસે હત્યારા મિત્રની ધરપકડ કરી કાયદેસરની કાર્યવાહી હાથ ધરી છે.

જૂનાગઢ શહેરના કડિયાવાડ વિસ્તારમાં સામાન્ય મજાક-મસ્તી અને બોલાચાલીએ લોહિયાળ સ્વરૂપ ધારણ કરતા એક યુવાને પોતાનો જીવ ગુમાવ્યો છે. મિત્રો-મિત્રો વચ્ચે થયેલી ગાળાગાળી એટલી હદે વણસી હતી કે, ઉશ્કેરાયેલા મિત્રએ તેના જ સાથીના થાપાના ભાગે છરીનો જીવલેણ ઘા ઝીંકી દીધા હતા. ગત તા. 1 માર્ચની રાત્રિએ બનેલી હૃદયદ્રાવક ઘટનાની વિગતો આપતા ડીવાયએસપી હિતેશ ધાંધલીયાએ જણાવ્યું હતું કે, જામકા ગામના 19 વર્ષીય યુવાન રાશિશ ઉર્ફે ભયુ હરસુખ સોલંકીની હત્યા કરવામાં આવી છે. આ મામલે પોલીસે ઊંડી તપાસ હાથ ધરતા મિત્રતામાં થયેલી બોલાચાલીએ ખૂની ખેલનું સ્વરૂપ ધારણ કર્યું હોવાનું બહાર આવ્યું છે.

મૃતક રાશિશ સોલંકી પોતાની બહેનને બોટાદ ખાતે લાઈવ ડેકોરેશનના કામ માટે જવાનું કહીને ઘરેથી નીકળ્યો હતો. તે વિસાવદર ખાતે રહેતા તેના નજીકના સગા રવિ સોલંકીના ઘરે પહોંચ્યો હતો, ત્યાં રાત્રિ ભોજન કર્યા બાદ, રાશિશ અને રવિ ઇકો કાર લઈને જૂનાગઢ આવ્યા હતા. જૂનાગઢમાં તેઓ તેમના અન્ય મિત્રો મીત સોલંકી, રોનક ચૌધરી અને હર્ષદ સોલંકીને ઇસ્કોન ચોકડી પાસે મળ્યા હતા. ત્યારબાદ પાંચેય મિત્રો કાળવા ચોક થઈને કડિયાવાડ વિસ્તારમાં આવેલા વૃંદાવન એપાર્ટમેન્ટ પાસે બેઠા હતા, જ્યાં સામાન્ય મજાક-મસ્તી અને બોલાચાલીએ લોહિયાળ સ્વરૂપ ધારણ કર્યું હતું. હુમલા બાદ લોહીલુહાણ હાલતમાં રાશિશને સારવાર માટે જૂનાગઢ સિવિલ હોસ્પિટલ ખસેડવામાં આવ્યો હતો.

આરોપી રોનક પોતે પણ અન્ય મિત્રો સાથે તેને હોસ્પિટલ લઈ ગયો હતો. મૃતકના પરિવારને માત્ર એટલી જ જાણ કરવામાં આવી હતી કે, રાશિશને 'લાગી ગયું' છે. જોકે, ઈજા ગંભીર હોવાથી જૂનાગઢના ડોક્ટરોએ તેને વધુ સારવાર માટે રાજકોટ રિફર કર્યો હતો, જ્યાં સારવાર દરમિયાન આ 19 વર્ષીય આશાસ્પદ યુવાનનું કરુણ મૃત્યુ નીપજ્યું હતું. ઘટનાની ગંભીરતાને ધ્યાને લઈ પોલીસે આરોપી રોનક ચૌધરીની ધરપકડ કરી કાયદેસરની કાર્યવાહી હાથ ધરી છે.

• પોર્ટુગલનો બોગસ પાસપોર્ટ બનાવનાર શખ્સની ધરપકડ

• ભારત આવેલા અમરેલીના શખ્સને પોલીસે ઝડપી પાડ્યો

• ઈમિગ્રેશન અધિકારીઓની તપાસમાં આરોપીનો ભાંડો ફૂટ્યો

• ઓળખ બદલીને વિદેશમાં સેટલ થવાનું રચ્યું હતું કાવતરું

• ભારતીય ન્યાય સંહિતા (BNS) હેઠળ ગુનો દાખલ કરાયો 

સુરત ઇન્ટરનેશનલ એરપોર્ટ પરથી ફરી એકવાર ડોક્યુમેન્ટ ફ્રોડનો મોટો કિસ્સો પ્રકાશમાં આવ્યો છે. મૂળ અમરેલી જિલ્લાના ધારી તાલુકાના કમી કેરાળા ગામના વતની અને હાલ સુરતના સરથાણા વિસ્તારમાં રહેતા 49 વર્ષીય ભાવેશ ધીરુભાઈ બોરડની આ મામલે ધરપકડ કરવામાં આવી છે. તપાસમાં બહાર આવ્યું છે કે, ભાવેશ બોરડએ પોર્ટુગલ જવા માટે અને ત્યાંની નાગરિકતા મેળવવા માટે 'બામણિયા કલ્પેશકુમાર રતિલાલ' તરીકેનું ખોટું નામ ધારણ કર્યું હતું. આ માટે તેણે બોગસ દસ્તાવેજો અને કિંમતી જામીનગીરીઓ પણ ઊભી કરી હતી.

આરોપી ગત તા. 2 માર્ચ-2026’ પહેલા કોઈપણ સમયે સુરત ઇન્ટરનેશનલ એરપોર્ટના ફર્સ્ટ ફ્લોર પર આવેલા ઇન્ટરનેશનલ અરાઈવલ એરિયામાં પહોંચ્યો હતો. અહીં ઈમિગ્રેશન ઓફિસ ખાતે જ્યારે તેના દસ્તાવેજોની ચકાસણી કરવામાં આવી, ત્યારે અધિકારીઓને શંકા ગઈ હતી. સઘન તપાસ દરમિયાન માલૂમ પડ્યું હતું કે, તેણે પોર્ટુગલની સરકારની કચેરીઓમાં બોગસ દસ્તાવેજો રજૂ કરી ત્યાંની નાગરિકતા મેળવી લીધી હતી, અને તેના આધારે મેળવેલ પાસપોર્ટ સંપૂર્ણપણે ગેરકાયદેસર હતો. ડુમસ પોલીસ સ્ટેશનમાં આ મામલે ભારતીય ન્યાય સંહિતા ઉપરાંત 'ધી પાસપોર્ટ એક્ટ, 1967'ની કલમ મુજબ પણ ગુનો દાખલ કરવામાં આવ્યો છે.

• અંકલેશ્વરમાં અકસ્માતનો બનાવ

• ધુળેટીની રાત્રીએ અકસ્માત

• કાર ચાલકે 4 વાહનોને લીધા અડફેટે

• સ્થાનિકોએ કાર ચાલકને પકડી પાડ્યો

• દાહોદમાં ધ્રુજાવી દેતી ઘટના સર્જાય

• સાયકલ સવાર વૃદ્ધનો ક્રૂઝર ચાલકે ભોગ લીધો

• અકસ્માત સર્જી કાર ચાલકે વૃદ્ધને ફંગોળ્યા

• વૃદ્ધને એક કિ.મી.સુધી ઘસેડતા ઘટનાસ્થળે જ કરુણ મોત

• પોલીસે ગણતરીના કલાકોમાં કાર ચાલકને દબોચ્યો 

દાહોદ શહેરમાં રસ્તા પર કાળનું કરૂણ નર્તન જોવા મળ્યું છે. પરેલના ત્રણ રસ્તા પાસે એક બેફામ ક્રૂઝર ચાલકે સાયકલ સવાર વૃદ્ધને અડફેટે લીધા બાદ માનવતા નેવે મૂકી હતી.અકસ્માત સર્જાયા બાદ કાર ચાલકે વૃદ્ધને લાંબે સુધી ઘસેડ્યા હતા, જેમાં તેમનું કમકમાટીભર્યું મોત નીપજ્યું છે.

દાહોદ શહેરના પરેલ ત્રણ રસ્તા પાસે ભયાનક અકસ્માત સર્જાયો હતો. પૂરઝડપે આવી રહેલી એક ક્રૂઝર કારના ચાલકે સાયકલ પર જઈ રહેલા 63 વર્ષીય વૃદ્ધને જોરદાર ટક્કર મારી હતી. ટક્કર એટલી ભયાનક હતી કે વૃદ્ધ કારની નીચે ફસાઈ ગયા હતા.

આસપાસના લોકોના જણાવ્યા અનુસાર,અકસ્માત પછી ચાલકે બ્રેક મારવાને બદલે કાર ભગાવી હતી, જેના કારણે વૃદ્ધ અડધો કિલોમીટર કરતા વધુ અંતર સુધી રસ્તા પર ઘસડાયા હતા. પરેલના કારખાના નજીકથી વૃદ્ધનો લોહીલુહાણ હાલતમાં મૃતદેહ મળી આવ્યો હતો.

મૃતકની ઓળખ દાહોદ નજીકના વાંદરીયા ગામના ગરાસિયા મોહનભાઈ તરીકે થઈ છે.63 વર્ષની ઉંમરે મોહનભાઈના આકસ્મિક અવસાનથી પરિવારમાં માતમ છવાયો છે અને આક્રંદ જોવા મળી રહ્યો છે.

ઘટનાની જાણ થતાં જ સ્થાનિક લોકો એકઠા થઈ ગયા હતા અને બી ડિવિઝન પોલીસને જાણ કરી હતી. પોલીસે તાત્કાલિક કાર્યવાહી કરીને ક્રૂઝર કારના ચાલકને ઝડપી પાડ્યો છે અને આગળની કાયદેસરની તપાસ હાથ ધરી છે.

• રાંદેરમાં ઘરફોડ ચોરીનો ભેદ ઉકેલાયો

• સાડી પહેરીને ચોરી કરવા આવ્યા હતા તસ્કરો

• ચોરોએ ધારણ કર્યો હતો મહિલાનો વેશ

• ચોરીના બે આરોપીઓ જેલના સળિયા પાછળ

• લેડીઝ ગેટઅપ વાળી ગેંગના બે સાગરીતો ઝડપાયા 

સુરતના રાંદેરમાં પોલીસથી બચવા માટે ચોરોએ ફિલ્મી સ્ટાઈલ અપનાવી હતી. કબૂતરખાના વિસ્તારમાં થયેલી લાખો રૂપિયાની ઘરફોડ ચોરીનો ભેદ ઉકેલવામાં પોલીસને મોટી સફળતા મળી છે.ચોરી કરવા આવેલા ઈસમોએ ઓળખ છુપાવવા માટે મહિલાના કપડા પહેર્યા હતા.

સુરતના રાંદેર વિસ્તારમાંથી એક અજીબોગરીબ ચોરીનો મામલો સામે આવ્યો છે, જ્યાં પોલીસથી બચવા માટે ચોરોએ ફિલ્મી સ્ટાઈલ અપનાવી હતી. રાંદેરના કબૂતરખાના વિસ્તારમાં થયેલી લાખો રૂપિયાની ઘરફોડ ચોરીનો ભેદ ઉકેલવામાં રાંદેર પોલીસને મોટી સફળતા મળી છે. ચોરી કરવા આવેલા ઈસમોએ ઓળખ છુપાવવા માટે મહિલાના કપડાં પહેર્યા હતા, પરંતુ પોલીસની બાજ નજરથી તેઓ બચી શક્યા નથી.

સુરતનું રાંદેર અને તેમાં પણ ગીચ ગણાતો કબૂતરખાના વિસ્તારમાં થોડા દિવસો પહેલા અહીં એક બંધ મકાનમાંથી લાખો રૂપિયાના સોના-ચાંદીના ઘરેણાની ચોરી થઈ હતી.

જ્યારે પોલીસે આસપાસના CCTV ફૂટેજ તપાસ્યા ત્યારે પોલીસ પણ ચોંકી ઉઠી હતી. વીડિયોમાં મહિલાના વેશમાં દેખાતા શખ્સો હકીકતમાં રીઢા ચોર હતા. પોલીસને ગેરમાર્ગે દોરવા માટે આ ઈસમોએ સાડી અને મહિલાના કપડાં પહેરીને ઘરફોડ ચોરીને અંજામ આપ્યો હતો.

રાંદેર પોલીસે ટેકનિકલ સર્વેલન્સ અને બાતમીદારોની મદદથી આ ટોળકીના બે સાગરીતોને દબોચી લીધા છે. કુલ 4 શખ્સોમાંથી હાલ 2 પોલીસની ગીરફતમાં છે અને લાખોનો મુદ્દામાલ રિકવર કરવાની તજવીજ હાથ ધરવામાં આવી છે.

હિંદ મહાસાગરમાં શ્રીલંકાના દક્ષિણ તટ નજીક એક ભારે સૈન્ય ઘટના સામે આવી છે જ્યાં અમેરિકન પનડૂબીએ ઇરાનના યુદ્ધપોત IRIS Dena પર ટોર્પીડો હુમલો કરીને તેને સમુદ્રમાં ડૂબાડી દીધો હોવાનો દાવો કરવામાં આવ્યો છે. આ ઘટનામાં ઓછામાં ઓછા 87 નૌસૈનિકોના મોત થયા હોવાનું શ્રીલંકા નૌસેનાએ જણાવ્યું છે, જ્યારે 32 લોકોને જીવતા બહાર કાઢવામાં આવ્યા છે.

અમેરિકાના રક્ષા સચિવ Pete Hegseth એ સત્તાવાર રીતે પુષ્ટિ કરી કે શ્રીલંકાના દક્ષિણ તટ નજીક એક અમેરિકન પનડૂબીએ ઇરાની યુદ્ધપોત પર હુમલો કર્યો હતો. તેમણે જણાવ્યું કે આ જહાજ આંતરરાષ્ટ્રીય જળક્ષેત્રમાં પોતાને સુરક્ષિત માની રહ્યું હતું. હેગસેથે દાવો કર્યો કે દ્વિતીય વિશ્વયુદ્ધ બાદ પહેલીવાર અમેરિકાએ કોઈ દુશ્મન દેશના જહાજને ટોર્પીડોથી ડૂબાડ્યું છે.

શ્રીલંકાના વિદેશ મંત્રી Vijitha Herath એ સંસદમાં માહિતી આપતા જણાવ્યું કે 180 લોકોને લઈ જઈ રહેલું ઇરાની યુદ્ધપોત સંકટમાં હોવાની માહિતી મળતા જ બચાવ અભિયાન શરૂ કરાયું હતું. નૌસેના અને વાયુસેનાના જહાજો અને વિમાનોને તરત જ સ્થળ પર મોકલવામાં આવ્યા હતા. જ્યારે બચાવ દળો પહોંચ્યા ત્યારે જહાજનો કોઈ અંશ દેખાતો નહોતો, માત્ર તેલના ડાઘ અને લાઈફ રાફ્ટ નજરે પડ્યા હતા.

નૌસેના પ્રવક્તા કમાન્ડર બુદ્ધિકા સંપથે જણાવ્યું કે સમુદ્રમાં તરતા લોકો મળી આવ્યા હતા અને 32 લોકોને બચાવીને ગાલે શહેરની હોસ્પિટલમાં દાખલ કરાયા છે. આરોગ્ય મંત્રાલયના વરિષ્ઠ અધિકારી ડૉ. અનિલ જાસિંઘેએ જણાવ્યું કે બચાવાયેલા લોકોમાં એકની હાલત ગંભીર છે, સાત લોકો સારવાર હેઠળ છે અને અન્યને નાની ઇજાઓ પહોંચી છે. 87 મૃતદેહો સમુદ્રમાંથી બહાર કાઢવામાં આવ્યા છે અને તેમને જમીન પર લાવવામાં આવી રહ્યા છે.

અંકલેશ્વર જીઆઇડીસી વિસ્તારમાં પ્રદૂષણના મુદ્દાઓ બાદ હવે શહેર વિસ્તારમાં પણ પ્રદૂષણની ઘટના સામે આવી છે. નગરપાલિકાના સ્વર્ણિમ લેકવ્યુ પાર્ક સ્થિત ગામ તળાવમાં લાલ રંગનું પ્રદૂષિત પાણી જોવા મળતા સ્થાનિકોમાં ચિંતા ફેલાઈ હતી. તળાવમાં એસિટિક  પાણી આવતાં તેની સપાટી પર ફીણ પણ દેખાયો હતો. ઘટનાની જાણ થતાં જ નગરપાલિકાએ તાત્કાલિક પગલાં લીધા હતા.આ મામલે નગર સેવા સદનના ચીફ ઓફિસર કેશવ ક્લોડીયાએ ટેલીફોનીક વાતચીતમાં જણાવ્યું હતું કે ધૂળેટી પર્વ દરમિયાન લોકો નહેરોમાં નહાવા જતા હોવાથી રંગીન પાણી વહેતું આવ્યું હોવાની શક્યતા છે. વધુ તપાસ માટે સંબંધિત વિભાગોને સૂચના આપવામાં આવી છે.તળાવમાં લાલ રંગનું પાણી વધુ પ્રમાણમાં ન ભળે તે માટે ઇનલેટ વાલ્વ બંધ કરવામાં આવ્યો હતો. તળાવનું પાણી ખરાબ ન થાય તે માટે તકેદારીરૂપે આ પગલું લેવામાં આવ્યું હોવાનું નગરપાલિકાએ જણાવ્યું છે.હાલ તળાવના પાણી અંગે કોઈ મોટી સમસ્યા નથી અને પરિસ્થિતિ નિયંત્રણમાં હોવાનું અધિકારીઓએ સ્પષ્ટ કર્યું છે.

ખંગેલા ગામમાં આસ્થાના અનોખા પર્વની ઉજવણી કરાય

ખંગેલામાં બાબા ગલદેવના મેળામાં અનોખા દ્રશ્યો સર્જાયા

હોળી-ધુળેટી પર્વ પર યોજાતા ગલદેવ મેળાનું અનેરું મહત્વ

માનતા રાખનારને ઊંચા લાકડા પર બાંધી ગોળ ફેરવાતો

ગુજરાત, રાજસ્થાન અને મધ્યપ્રદેશના લોકો ઉમટી પડ્યા

દાહોદ જિલ્લાના ખંગેલા ગામે આસ્થાના અનોખા પર્વની ઉજવણી, જ્યાં ભક્તિ અને સાહસનો સંગમ જોવા મળે છે. ગુજરાત જ્યાંથી શરૂ થાય છે, એવા સૂર્યના પ્રથમ કિરણોના સાક્ષી દાહોદ જિલ્લામાં હોળી બાદ મેળાઓની મોસમ જામી છે. મધ્યપ્રદેશની સરહદે આવેલા ખંગેલા ગામે બાબા ગલદેવના મેળામાં કંઈક એવા દ્રશ્યો સર્જાયા કે, જોનારાઓ સ્તબ્ધ થઈ ગયા. દાહોદ એટલે આદિવાસી સંસ્કૃતિનો ધબકાર. અહીં હોળી-ધૂળેટી માત્ર તહેવાર નથી, પણ વતનમાં પાછા ફરવાનો ઉત્સવ છે. હોળી-ધુળેટી બાદ જ્યારે ગોળ ગધેડા અને ચુલના મેળાની ધૂમ મચે છે, ત્યારે ખંગેલા ગામે બાબા ગલદેવનો મેળો આસ્થાનું કેન્દ્ર બન્યો છે.

આ મેળામાં આશરે 30 ફૂટ ઊંચા લાકડાના થાંભલા (ગલ) ઊભા કરવામાં આવે છે. જેમાં માનતા રાખનારા યુવાનોને આ ઊંચા લાકડા પર બાંધી, નીચેથી 10 ફૂટ લાંબા લાકડાને દોરડા વડે ગોળ ફેરવવામાં આવે છે. આ વર્ષે 20 જેટલા યુવાનોએ પોતાની માનતા પૂર્ણ કરવા માટે આ જોખમી ગણાતી વિધિમાં ભાગ લીધો હતો, જ્યાં સીમાડા ઓળંગી માનવ મહેરામણ ઉમટતા ઢોલ-નગારાના તાલે આખું વાતાવરણ ગુંજી ઉઠ્યું હતું. આ મેળો માત્ર ખંગેલા પૂરતો મર્યાદિત નથી. આ મેળામાં 3 રાજ્યોનો સંગમ જોવા મળ્યો હતો. દાહોદ જિલ્લાના સ્થાનિક ગ્રામજનો તેમજ રાજસ્થાન અને મધ્યપ્રદેશના લોકો મોટી સંખ્યામાં ઉમટી પડ્યા હતા.

ખંગેલા ગામના સંગાડિયા પરિવાર દ્વારા આયોજિત આ મેળામાં મેડા પરિવારના સભ્યો દ્વારા યુવાનોને હવામાં ફેરવવાની વિધિ સંપન્ન કરવામાં આવી હતી. આધુનિક યુગમાં પણ આદિવાસી સમાજે પોતાની આ અનોખી પરંપરાને જીવંત રાખી છે. વિજ્ઞાન ગમે તેટલી પ્રગતિ કરે, પણ આદિવાસી સંસ્કૃતિમાં રહેલી શ્રદ્ધા આજે પણ અતૂટ છે. તહેવાર, પરંપરા અને પોતાની માટી પ્રત્યેનો આ પ્રેમ જ દાહોદની અસલી ઓળખ છે. ભલે રોજગારી માટે આ લોકો દૂર જતા હોય, પણ પોતાની પરંપરા નિભાવવા તેઓ સાત સમંદર પારથી પણ પાછા ફરે છે.

જાણીતા અભિનેતા, થિયેટર કલાકાર, પર્યાવરણવાદી અને ગોદરેજ પરિવારના વ્યવસાયના ભૂતપૂર્વ એક્ઝિક્યુટિવ ડિરેક્ટર વિજય કૃષ્ણાનું 81 વર્ષની વયે અવસાન થયું છે. તેમણે સંજય લીલા ભણસાલીની ફિલ્મ 'દેવદાસ'માં શાહરૂખ ખાનના પિતાની ભૂમિકા ભજવી હતી. એક્ટરના અવસાન પર ઘણા કલાકારોએ શોક વ્યક્ત કર્યો છે. અભિનેત્રી લિલેટ દુબેએ તેમના નિધન પર શોક વ્યક્ત કરતી એક પોસ્ટ શેર કરી. તેમણે તેમના પરિવાર પ્રત્યે સંવેદના પણ વ્યક્ત કરી. વિજય કૃષ્ણાના પરિવારમાં તેમની પત્ની સ્મિતા કૃષ્ણા અને પુત્રી નાયરિકા હોલકરનો છે. 

તાજેતરમાં અભિનેત્રી અને થિયેટર કલાકાર લિલેટ દુબેએ તેના ઇન્સ્ટાગ્રામ એકાઉન્ટ પર તેમનો એક ફોટો શેર કરીને શોક વ્યક્ત કર્યો. અભિનેત્રીએ લખ્યું, "દિલ તૂટી ગયું...આપણા પ્રિય વિજય કૃષ્ણા...જે 25 વર્ષથી વધુ સમયથી અમારા થિયેટર પરિવાર અને 'ડાન્સ લાઈક અ મેન'નો ભાગ હતા... હવે આપણી વચ્ચે નથી...એક બહુમુખી પ્રતિભા...એક પ્રતિભાશાળી અભિનેતા, સુંદર, મોહક, તેમના વિશિષ્ટ કટાક્ષપૂર્ણ રમૂજ માટે પ્રખ્યાત, તે આપણા બધાના પ્રિય હતા...અગણિત યાદો મારા હૃદય અને મનને છલકાવી દે છે અને મને ભાવુક બનાવે છે... રેસ્ટ ઈન પીસ મારા જયરાજ...તમને ક્યારેય ભૂલવામાં નહીં આવે...તમે સ્વર્ગમાં એટલા જ ખુશ રહો જેટલા તમે અહીં અમારા બધા માટે હતા...તેમની પ્રિય પત્ની સ્મિતા, પુત્રીઓ નાયરિકા અને ફ્રીયાન અને સમગ્ર પરિવાર માટે પ્રેમ અને પ્રાર્થના."

ઉલ્લેખનીય છે કે વિજય કૃષ્ણાએ ઘણા નાટકો અને ફિલ્મોમાં અભિનય કર્યો હતો, પરંતુ તેમણે દેવદાસ ફિલ્મથી ખૂબ લોકપ્રિયતા મળી હતી. તેમણે માધુરી દીક્ષિત, ઐશ્વર્યા રાય અને જેકી શ્રોફ સાથે પણ કામ કર્યું છે. 2004માં, તેમને અંગ્રેજી નૃત્ય નાટક "ડાન્સ લાઈક અ મેન" માં તેમની ભૂમિકા માટે વિવેચકો દ્વારા પ્રશંસા મળી હતી. આ ફિલ્મ પામેલા રૂક્સ દ્વારા દિગ્દર્શિત હતી અને મહેશ દત્તાણીના નાટક પર આધારિત હતી. આ ફિલ્મથી શોભના, આરિફ ઝકારિયા અને અનુષ્કા શંકરે એક્ટિંગમાં ડેબ્યૂ કર્યું હતું. ફિલ્મને અંગ્રેજીમાં શ્રેષ્ઠ ફીચર ફિલ્મનો રાષ્ટ્રીય ફિલ્મ પુરસ્કાર પણ મળ્યો હતો.

મહીસાગરમાં 2 સગા ભાઈ સહિત 3, સુરતના માંગરોળ, અરવલ્લીના માલપુરમાં 3, કડી અને અમરેલીમાં એક-એક એમ ધુળેટી રમીને નહાવા પડેલા કુલ 12 લોકોના ડૂબી જવાથી મોત નીપજ્યાં છે. આ ઘટનાઓને ધૂળેટીની ખુશીઓ માતમમાં ફેરવાઇ

1. સુરતના માંગરોળની ઘટના:-

સુરતના માંગરોળ તાલુકાના પાનસરા ગામ નજીક એક અત્યંત દુખદ ઘટના બની હતી. અહીંની એક રેસીડેન્સીમાં રહેતા યુવાનો ધુળેટી રમી લીધા બાદ યુવાનો નજીકમાં વહેતી કીમ નદીમાં નહાવા ગયા હતા નહાતી વખતે ત્રણ યુવાન અચાનક ઊંડા પાણીમાં ગરકાવ થઈ ગયા હતા. બાદમાં કોસંબા પોલીસ અને ફાયર ફાઇટરની ટીમે ભારે જહેમત બાદ ત્રણેયના મૃતદેહ બહાર કાઢ્યા

અરવલ્લીના માલપુરની ઘટના:-

અરવલ્લી જિલ્લાના માલપુર તાલુકાના નવા (જાંબુ ફળી) ગામે પણ ધુળેટીની ખુશીઓ શોકમાં ફેરવાઈ ગઈ હતી. ધોરણ 5 અને 6માં અભ્યાસ કરતા બે બાળકો ધૂળેટી રમી ગામના તળાવમાં નહાવા પડેલા બે બાળકો અચાનક ઊંડા પાણીમાં ગરકાવ થઈ જતા મોતને ભેટયા

અમરેલીની ઘટના:-

અમરેલી શેત્રુંજી નદીમા ધૂળેટીનો તેહવાર રમી ને ન્હાવા પડેલ યુવકનું મોત નિપજ્યું.ખંભાળિયા વિઠલપુર વચ્ચે પસાર થતી શેત્રુંજી નદીમાં યુવક નાહવા પડ્યો હતો જે બાદ ઊંડા પાણીમાં ગરકાવ થઈ જતા યુવાનનું મોત નીપજ્યું..

• ચુડા બન્યું લાલ મરચાનું હબ

• લાલ મરચાની સીઝનનો પ્રારંભ

• વિવિધ પ્રકારના મરચાની માંગ

• આ વર્ષે મરચાનું ઓછું ઉત્પાદન

• ગૃહિણીઓએ કરી મરચાની ખરીદી  

સુરેન્દ્રનગર જિલ્લાના ચુડા તાલુકામાં લાલ મરચાની ખેતી કરવામાં આવે છે.હાલ ચુડાનું લાલ મરચું સમગ્ર ગુજરાતમાં પ્રખ્યાત છે,ત્યારે દર વર્ષની જેમ આ વર્ષે પણ મરચાનું વેચાણ શરૂ થઈ ગયું છે.અને ગૃહિણીઓ દ્વારા બારે માસ ભરવા માટે આ મરચાની ખરીદી કરવામાં આવી રહી છે.

સુરેન્દ્રનગર જિલ્લાના ચુડા તાલુકામાં વર્ષોથી મરચાની ખેતી કરવામાં આવે છે.ચુડા તાલુકા વિસ્તારમાં મોટા પ્રમાણમાં લાલ મરચાની ખેતી કરવામાં આવે છે.આ લાલ મરચું ગૃહિણીઓ બારેમાસ પોતાના ઘરના રસોઈમાં વાપરતી હોય છે.ત્યારે દર વર્ષની જેમ આ વર્ષે પણ ચુડા ખાતે મરચાનું વેચાણ શરૂ થયું છે.જેમાં કાશ્મીરી,રેશમ પટ્ટો,ડબ્બી મરચું, તીખી મરચી,ટમેટું મરચી જેવા વિવિધ પ્રકારના મરચાની માંગ જોવા મળી રહી છે.

જોકે ગત વર્ષ કરતા આ વર્ષે મરચાની ખેતીમાં ઉત્પાદન ઓછું થવાના કારણે અન્ય રાજ્યોના વેપારીઓ ખરીદી કરવા આવ્યા નથી,હાલ મરચાનો ભાવ વધુ છે,ચુડા ખાતે 250 રૂપિયાથી 800 રૂપિયા કિલો મરચાનું વેચાણ થાય છે.આ મરચું સ્વાસ્થ્ય માટે અને બારેમાસ ભરવા માટે સારી ગુણવત્તાનું હોવાથી ગૃહિણીઓ ચુડાનું મરચું ખરીદવાનું પસંદ કરે છે.

• પશુપાલકે પશુ સંવર્ધનમાં રચ્યો ઇતિહાસ

• દીપક પટેલ મિરેકલ મેન તરીકે જાણીતા બન્યા

• પશુપાલકે માત્ર પાંચ ધોરણ સુધીનો જ કર્યો છે અભ્યાસ 

• 80 હજારથી વધુ પશુઓમાં કર્યું સફળ કૃત્રિમ બીજદાન

• કેન્દ્રીય મંત્રી અમિત શાહ દ્વારા કરાયું સન્માન 

સુરત જિલ્લાના મહુવા તાલુકાના વહેવાલ ગામના 63 વર્ષીય દીપક પટેલ આજે પશુપાલન ક્ષેત્રે 'મિરેકલ મેન' તરીકે જાણીતા બન્યા છે. માત્ર પાંચ ધોરણ સુધીના અભ્યાસ છતાં, તેમણે છેલ્લા 25 વર્ષમાં 80 હજારથી વધુ પશુઓમાં સફળ કૃત્રિમ બીજદાન કર્યું છે.

સુરત જિલ્લાના મહુવા તાલુકાના વહેવાલ ગામના 63 વર્ષીય દીપક પટેલ આજે પશુપાલન ક્ષેત્રે 'મિરેકલ મેન' તરીકે જાણીતા બન્યા છે. માત્ર પાંચ ધોરણ સુધીના અભ્યાસ છતાં, તેમણે છેલ્લા 25 વર્ષમાં 80 હજારથી વધુ પશુઓમાં સફળ કૃત્રિમ બીજદાન કર્યું છે.ભારતમાં પશુઓમાં કૃત્રિમ બીજદાનનો સરેરાશ સફળતા દર 35-40 ટકા છે, જેની સામે દીપકભાઈ દ્વારા પશુઓમાં કૃત્રિમ ગર્ભાધાન કરાવવામાં આવે છે,તેનો સફળતાનો દર 80 ટકા જેટલો છે.

તેમના આ નવતર પ્રયોગના પરિણામે પશુઓની દૂધ-ઉત્પાદન ક્ષમતામાં વૃદ્ધિ થઈ છે. સુરત જિલ્લાના મહુવા તાલુકામાં પશુમાં દૂધ-ઉત્પાદન સરેરાશ દૈનિક 11.3 લીટર છે. રાષ્ટ્રીય સ્તરે આ દર 7.4  લીટર છે. તેમની આ અસાધારણ સિદ્ધિ બદલ કેન્દ્રીય મંત્રી અમિત શાહ દ્વારા તેમનું સન્માન કરવામાં આવ્યું છે. નેશનલ ડેરી ડેવલપમેન્ટ બોર્ડ દ્વારા દ્વારા તેમના પ્રેરણાદાયી સંઘર્ષ પર એક ડોક્યુમેન્ટરી પણ નિર્મિત કરવામાં આવી છે.

• આજે રંગોના પર્વની ઉજવણી

• ઠેર ઠેર ઉજવણી કરાય

• આબાલ-વૃદ્ધ સહિત સૌ કોઈ રંગોમાં થયા ઓતપ્રોત

• એક મેકને રંગ લગાવી આનંદ વ્યક્ત કર્યો

• રંગો અને પાણીની છોળો વચ્ચે ઉજવાયું પર્વ

ભરૂચના વાગરાના આહીર ફળિયામાં રહેતા પશુપાલક રાજુભાઈ મોહનભાઈ દેવીપૂજકના ૧૨ ઘેટાં અને ૧ બકરી સહિત કુલ ૧૩ પશુઓના અચાનક મોતથી હાહાકાર મચ્યો છે. સીમ વિસ્તારમાં ચરતાં સમયે ઝેરી અસર થતા પશુઓ કાળનો કોળિયો બન્યા હોવાની શક્યતા વ્યક્ત થઈ રહી છે.

પશુપાલકે તલાવડીનું પાણી ઝેરી હોવાનો તેમજ સારવારમાં મોડું પડ્યાનો આક્ષેપ કર્યો છે, જ્યારે પશુ ચિકિત્સક ડો. સાજીદ વોહરાએ ફૂડ પોઈઝનિંગની સંભાવના વ્યક્ત કરી છે. હાલ બાકીના પશુઓનું સારવાર હેઠળ મોનિટરિંગ ચાલી રહ્યું છે.આ તરફ પીડિત પરિવાર વળતરની માંગ કરી રહ્યો છે.

• ભરૂચમાં ધુળેટીના પર્વની ઉજવણી

• જંબુસરમાં વર્ષોની પરંપરા

• ઇલ્લાજીની માટીની પ્રતિમા બનાવી કાઢવામાં આવે છે સ્મશાનયાત્રા

• ઇલ્લાજી હોળીકાનો પ્રેમી હોવાનો મત

• હોળીકાનું દહન થતા રાખમાં ઇલ્લાજી આળોટે છે

• અંકલેશ્વરના કોસમડીમાં આવેલી છે સોસાયટી

• સાંઈ વાટીકા સોસા.માં વિવાદ 

• મેઇન્ટનન્સ ચાર્જ મામલે વિવાદ

• કમિટી સભ્યો અને રહીશો વચ્ચે ઘમાસાણ

• પોલીસે મધ્યસ્થતા કરી મામલો થાળે પાડ્યો

ભરૂચની મધ્યમાં આવેલી છે ધરોહર

ઐતિહાસિક જામા મસ્જિદ કહેવાય છે

મહિલાઓ દ્વારા મસ્જિદમાં કરવામાં આવી પૂજા

વિડીયો સોશ્યલ મીડિયામાં વાયરલ 

ધરોહર પુરાતત્વ વિભાગ પાસે છે

ભરૂચના વાગરા પંથકનો બનાવ

વાગરાના પીપલીયા ગામે હત્યાનો બનાવ

દાદાની કરવામાં આવી હત્યા

પૌત્રને ઠપકો ન આપવાનું કહેવા જતા હત્યા કરાય

3 આરોપીઓની પોલીસે કરી ધરપકડ

ભરૂચના સુપર માર્કેટની પાછળ આવેલ આંબેડકર શોપિંગમાં પ્રથમ માળે પી.પી.સ્પામાં અન્ય રાજ્યમાંથી છોકરીઓ મંગાવી મસાજની આડમાં કુટણખાનું ચલાવવામાં આવે છે.

જેવી બાતમીના આધારે ભરૂચ એ.એચ.ટી.યુ શાખા ડમી ગ્રાહક મોકલી દરોડા પાડ્યા હતા.પોલીસે મેનેજર તનવીર મનાન શેખ સહિત એક મહિલાને  ઝડપી રોકડા 3 હજાર અને ત્રણ ફોન મળી કુલ 73 હજારથી વધુનો મુદ્દામાલ જપ્ત કરી અન્ય બે ઇસમોને વોન્ટેડ જાહેર કર્યા હતા.

ભરૂચની GNFC માં ₹15.82 લાખનું મેડિકલ બિલ કૌભાંડ આચરનાર જુનિયર ફાયર ઓપરેટરને સી ડિવિઝન પોલીસે દિવથી ઉઠાવી 3 દિવસના રિમાન્ડ મેળવ્યા હતા. આ દરમ્યાન તેના પુત્રની પણ ધરપકડ કરવામાં આવી છે.

વૈશ્વિક ફ્લક પર યુદ્ધની પરિસ્થિતિ

ખાડી દેશોમાં યુદ્ધ જેવો માહોલ

ક્રૂડ ઓઈલના ભાવમમાં વધારો

અંકલેશ્વરના ઉદ્યોગકારો ચિંતિત

પ્રોડક્શન પર અસર થવાની શક્યતા

આમ, તો હોળીના તહેવાર પર કેટલાક ગીત એવા છે કે, લોકો મન મુકીને ઝૂમી ઊઠે છે. પરંતુ રાજેશ ખન્નાનું એક હોળી ગીત આજે 56 વર્ષ બાદ પણ અમર રહ્યું છે. આ ગીતમાં કિશોર કુમારનો મધુર અવાજ ખૂબ જ રંગ જમાવે છે.

દેશવાસીઓ સાથે-સાથે હિન્દી ફિલ્મોના તમામ સેલેબ્સમાં પણ હોળીની ધૂમ જોવા મળે છે. હોળીના તહેવારની ખરી મજા હોલી સ્પેશલ ગીતો છે, જે તહેવારની મજાને વધુ બમણી કરે છે, ત્યારે બોલીવુડના પહેલા સુપરસ્ટાર રાજેશ ખન્નાના સુપરહિટ હોળી ગીત આજે 56 વર્ષ બાદ પણ અમર રહ્યું છે. તે સમયે રાજેશ ખન્નાના શ્રેષ્ઠ ગીતો પૈકીના હોળી ગીત અંગે લોકોમાં ખૂબ જ ઓછી ચર્ચાઓ હતી. પરંતુ આજે આ ગીત વિના હોળીનો તહેવાર અધૂરો છે. આ ગીતના શબ્દો ‘आज न छोड़ेंगे, खेलेंगे हम होगी...’ દિગ્ગજ ગાયક કિશોર કુમાર અને ગાયિકાએ આ ગીતનો પોતાનો મધુર અવાજ આપ્યો હતો. ગીતના સંગીતકાર આરડી. બર્મન હતા, અને ગીતકાર આનંદ બક્ષીની કલમોથી લિરિક્સ બન્યા હતા. આ ગીતની લોકપ્રિયતા એટલી છે કે, આજે 56 વર્ષ બાદ પણ હોલી પાર્ટીમાં લોકો ડીજે સાઉન્ડ પર ખૂબ ઝૂમી ઊઠે છે. ખરેખર, રાજેશ ખન્ના અને આશા પારેખની ફિલ્મ ‘કટી પતંગ’ 1970ની સૌથી સફળ ફિલ્મોમાં એક રહી હતી. આ બ્લોકબસ્ટર ફિલ્મમાં અન્ય શાનદાર ગીતોનો પણ સમાવેશ કરવામાં આવ્યો છે.

• હાઈટેક સુવિધાથી સજ્જ કામરેજ માર્ગનો ટોલ પ્લાઝા

• 'બેરિયરલેસ' મલ્ટી-લેન ફ્રી-ફ્લો ડિજિટલ ટોલ પ્લાઝા

• ₹ 15 કરોડના ખર્ચે તૈયાર કરવામાં આવ્યો ટોલ પ્લાઝા

• અનેક વાહનચાલકોએ ટોલ ભરવા માટે રોકાવું નહીં પડે

• લોકોને ટ્રાફિકજામ - ઈંધણના બગાડમાંથી મુક્તિ મળશે 

સુરતના કામરેજમાં દેશનો પ્રથમ 'બેરિયરલેસ' મલ્ટી-લેન ફ્રી-ફ્લો ડિજિટલ ટોલ પ્લાઝા કાર્યરત થયો છે. ₹ 15 કરોડના ખર્ચે તૈયાર થયેલી આ સિસ્ટમમાં હવે વાહનચાલકોએ ટોલ ભરવા માટે રોકાવું નહીં પડે, જેનાથી ટ્રાફિક જામ અને ઈંધણના બગાડમાંથી મુક્તિ મળશે.

અત્યાધુનિક ANPR કેમેરા અને સેન્સર ટેકનોલોજીથી સજ્જ સુરતના કામરેજમાં દેશના પ્રથમ 'બેરિયરલેસ' મલ્ટી-લેન ફ્રી-ફ્લો ડિજિટલ ટોલ પ્લાઝા પરથી વાહનો અટક્યા વગર સીધા પસાર થઈ શકશે. ભરૂચ-સુરત હાઈવે પર આવેલો 'ચોર્યાસી ટોલ પ્લાઝા' દેશના પરિવહન ક્ષેત્રે નવી ક્રાંતિનું પ્રતીક બન્યો છે. અહીં કોઈપણ આડા અવરોધ કે, ગેટ વગર વાહનો પોતાની ગતિએ સીધા પસાર થઈ શકે તેવી વ્યવસ્થા ઊભી કરાઈ છે. આ પ્રોજેક્ટ દ્વારા હાઈવે ઇન્ફ્રાસ્ટ્રક્ચર વધુ સ્માર્ટ અને ગતિશીલ બન્યું છે. આ સિસ્ટમમાં હાઈ-સ્પીડ સ્કેનર્સ, ANPR કેમેરા અને લિડાર-રડાર ટેકનોલોજીનો સમન્વય કરવામાં આવ્યો છે.

જોકે, અહી વાહન પસાર થતાની સાથે જ 'ફાસ્ટેગ' એકાઉન્ટમાંથી આપમેળે રકમ કપાઈ જાય છે. રોજિંદા 25 હજાર વાહનોની અવરજવર ધરાવતા આ માર્ગ પર હવે મુસાફરી સરળ બની છે, જે સમયની બચત સાથે વાહનચાલકોનો માનસિક તણાવ પણ ઘટાડશે. આ સમગ્ર પ્રક્રિયા પર દેખરેખ રાખવા માટે અહીં એક અત્યાધુનિક કંટ્રોલ રૂમ પણ કાર્યરત છે. દૈનિક અંદાજે ₹60 લાખનું ટોલ કલેક્શન ધરાવતું આ નાકું પર્યાવરણ માટે પણ આશીર્વાદરૂપ છે; કારણ કે વાહનો ઊભા ન રહેવાથી પ્રદૂષણમાં નોંધપાત્ર ઘટાડો થશે. સુરતની આ પહેલ 'ડિજિટલ ઇન્ડિયા'ના વિઝનને વેગ આપશે અને આગામી સમયમાં દેશના અન્ય હાઈવે માટે રોલ મોડલ સાબિત થશે.

• વર્ષ 2030’ની કોમનવેલ્થ ગેમ્સની અમદાવાદને યજમાની

• શહેરના હોસ્પિટાલિટી સેક્ટરમાં રોકાણનો મોટો જુવાળ આવ્યો

• હોટલ ક્ષમતા વધી આગામી સમયમાં બમણી થવાની શક્યતા

• હોટલ ચેઈન્સ અત્યારથી આકાર આપી રહી છે નવા પ્રોજેક્ટ્સ

• શહેરના પ્રવાસન અને અર્થતંત્ર માટે કાયમી સંસાધનનું નિર્માણ 

આગામી વર્ષ 2030’ની કોમનવેલ્થ ગેમ્સની યજમાની મળતા જ અમદાવાદના હોસ્પિટાલિટી સેક્ટરમાં રોકાણનો મોટો જુવાળ આવ્યો છે. અમદાવાદ શહેરની હોટલ ક્ષમતા હાલના 15 હજાર રૂમથી વધીને આગામી સમયમાં બમણી થવાની શક્યતા છે. ગિફ્ટ સિટી અને નરેન્દ્ર મોદી સ્ટેડિયમમાં વધતા આંતરરાષ્ટ્રીય આયોજનોને પગલે અગ્રણી હોટલ ચેઈન્સ અત્યારથી જ નવા પ્રોજેક્ટ્સ આકાર આપી રહી છે.

તો બીજી તરફ, સરકાર પીપીપી (PPP) મોડલ દ્વારા અમદાવાદમાં એવું સચોટ ઈન્ફ્રાસ્ટ્રક્ચર તૈયાર કરી રહી છે, જે રમત-ગમતની ઈવેન્ટ બાદ પણ 'સફેદ હાથી' બનવાના બદલે શહેરના પ્રવાસન અને અર્થતંત્ર માટે કાયમી સંસાધન બની રહે.

• ભરૂચના વાગરા પંથકનો બનાવ

• એક વ્યક્તિની હત્યાનો કરાયો હતો પ્રયાસ

• પોલીસે માથાભારે શખ્સની કરી ધરપકડ

• ભરૂચના આમોદ નજીકનો બનાવ

• નર્મદા કેનાલમાં પડ્યું હતું ગાબડું

• કેનાલનું પાણી ખેતરોમાં ફરી વળ્યું

• ખેતીના ઉભા પાકને વ્યાપક નુકશાન

• આવતીકાલે રંગોના પર્વ ધુળેટીની કરાશે ઉજવણી

• કેમિકલ યુક્ત રંગોથી થાય છે આડઅસર

• ચામડીના રોગ થવાની વધુ શકયતા

• નિષ્ણાંત તબીબ ડો.અભિષેક પારેખે આપ્યું માર્ગદર્શન

• શામળાજીમાં ઉજવાયો ભવ્ય રંગોત્સવ

• રંગોત્સવની ભક્તિભાવપૂર્વક ઉજવણી

• ચાંદીની પિચકારીથી શામળિયા દેવને રંગ લગાવ્યો

• ભક્તો શામળિયા દેવની ભક્તિમાં બન્યા લિન

• ચંદ્રગ્રહણ હોવાછતાં વહેલી સવારથી ભક્તોની ભીડ ઉમટી 

અરવલ્લી જિલ્લાના શામળાજીમાં રંગોત્સવની ભક્તિભાવપૂર્વક ઉજવણી કરવામાં આવી હતી. ચાંદીની પિચકારીથી શામળિયા દેવને રંગ લાગવવામાં આવ્યો હતો,જોકે ચંદ્રગ્રહણ હોવા છતાં વહેલી સવારથી ભક્તોની ભારે ભીડ ઉમટી પડી હતી.

અરવલ્લી જિલ્લાના યાત્રાધામ શામળાજી ખાતે રંગોત્સવની ભવ્ય ઉજવણી કરવામાં આવી હતી.આ પવિત્ર અવસરે ભગવાન શામળિયાને ચાંદીની પિચકારી વડે વિવિધ રંગો છાંટીને રંગોત્સવ મનાવાયો હતો, જેમાં મોટી સંખ્યામાં ભક્તો પણ જોડાયા હતા.ચંદ્રગ્રહણના કારણે મંદિર વહેલી સવારે પાંચ વાગ્યે ખોલવામાં આવ્યું હતું.

વહેલી સવારથી જ શામળિયાના દર્શન કરવા માટે ભક્તો ઉમટી પડ્યા હતા. દેવ શામળિયાને સોનાના આભૂષણોથી શણગારવામાં આવ્યા હતા. રંગોત્સવ નિમિત્તે મંદિરના પૂજારીઓ દ્વારા ચાંદીની પિચકારી વડે ભગવાન શામળિયાને રંગ છાંટવામાં આવ્યા હતા. આ ઉપરાંત, ભક્તો પર પણ રંગ છાંટવામાં આવ્યા હતા,અને ભક્તોએ પણ એકબીજાને કલર લગાવીને રંગોત્સવની ઉજવણી કરી હતી.

• વેરાવળ  ભોઇ સમાજની અનોખી પરંપરા

• હોળી પર્વમાં કાલ ભૈરવની પ્રતિમાનું કરે છે નિર્માણ

• 30 ફૂટની પ્રતિમાનું કરવામાં આવે છે નિર્માણ

• હોળી-ધુળેટી પર્વમાં દર્શનાર્થે ભક્તોનો પ્રવાહ ઉમટે છે

• વૈદિક  મંત્રોચ્ચાર સાથે કરવામાં આવે છે પૂજન અર્ચન    

ગીર સોમનાથ જિલ્લાના વેરાવળમાં ભોઇ સમાજની 30 ફૂટની કાલ ભૈરવ પ્રતિમા સ્થાપિત કરવામાં આવી હતી,અને  હોળી-ધુળેટી પર્વ નિમિતે દર્શનાર્થે ભક્તોનો પ્રવાહ ઉમટ્યો હતો.ભોય સમાજ દ્વારા પરંપરાગત યોજાતા હોળી પર્વમાં ભૈરવનાથના દર્શન કરી નગરજનો ધન્ય બન્યા હતા.

ગીર સોમનાથ જિલ્લાના વડા મથક વેરાવળ શહેરમાં સમસ્ત ભોઇ સમાજ હોળીના તહેવારમાં શારદા સોસાયટી ખાતે વિવિધ પથ્થર, માટી,વાંસ, કાગળ સહિતની વસ્તુઓનો ઉપયોગ કરી શિવના રૂદ્ર સ્વરૂપ એવા કાલ ભૈરવદાદાની 30 ફૂટ ઉંચી વિશાળમુર્તિ બનાવે છે. એક થી દોઢ મહિનાની મહેનત બાદ આ વિશાળ મૂર્તિ બનીને તૈયાર થાય છે.આ મુર્તિ લોકોના શ્રધ્ધાનુ કેન્દ્ર બની છે.

દર વર્ષે ગામે ગામથી હજારો લોકો અહીં મૂર્તિ સામે માનતા માનવા અને માનતા ઉતારવા માટે આવે છે.ભૈરવદાદાની પ્રતિમાને રંગબેરંગી કાગળ, ચમકતા કાગળ, ફૂલ આભુષણથી સુશોભિત કરવામાં આવે છે. ધુળેટી મધ્યાહન સુધી આ કાર્યક્રમ ચાલે છે.વૈદિક  મંત્રોચ્ચાર સાથે પૂજન કરવામાં આવે છે.

• માતાજીના જયઘોષ સાથે પાવાગઢમાં પ્રગટી હોળી

• સુપ્રસિદ્ધ શક્તિપીઠ લાખો ભક્તોની આસ્થાનું છે કેન્દ્ર

• માઁ કાલિકાના આંગણે વૈદિક મંત્રોચ્ચારનો ગુંજારવ સંભળાયો

• ધાર્મિક માહોલમાં હોલિકા દહનનો કાર્યક્રમ યોજાયો

• ભક્તોમાં અનોખો આધ્યાત્મિક ઉર્જાનો સંચાર જોવા મળ્યો  

પંચમહાલ જિલ્લાના સુપ્રસિદ્ધ શક્તિપીઠ અને લાખો ભક્તોની આસ્થાના કેન્દ્ર એવા પાવાગઢ ખાતે ભક્તિ અને પરંપરાનો અદભૂત નજારો જોવા મળ્યો હતો. હોળીના પવિત્ર પર્વ નિમિત્તે મહાકાળી માતાજીના સાનિધ્યમાં ભવ્ય ધાર્મિક માહોલમાં હોલિકા દહનનો કાર્યક્રમ યોજાયો હતો.

પંચમહાલ જિલ્લાના સુપ્રસિદ્ધ શક્તિપીઠ અને લાખો ભક્તોની આસ્થાના કેન્દ્ર એવા પાવાગઢ ડુંગર પર બિરાજમાન માઁ કાલિકાના આંગણે વૈદિક મંત્રોચ્ચારનો ગુંજારવ સંભળાયો હતો. શાસ્ત્રોક્ત વિધિ અનુસાર પૂજા-અર્ચના કર્યા બાદ, શુભ મુહૂર્તે હોલિકા દહન કરવામાં આવ્યું હતું. જેવી હોળી પ્રગટાવવામાં આવી, કે તરત જ સમગ્ર ડુંગર વિસ્તાર 'જય માતાજી' અને 'મહાકાળી માતા કી જય'ના જયઘોષથી ગુંજી ઉઠ્યો હતો.

આ પવિત્ર અવસરે મોટી સંખ્યામાં શ્રદ્ધાળુઓ ઉમટી પડ્યા હતા. ભક્તોએ હોળીની પ્રદક્ષિણા કરી ખજૂર, ધાણી અને નારિયેળ અર્પણ કર્યા હતા,અને માતાજી સમક્ષ પોતાના પરિવારની સુખ-શાંતિ અને સમૃદ્ધિ માટે પ્રાર્થના કરી હતી. પાવાગઢ ડુંગર પર હોળી પ્રગટતાની સાથે જ આસપાસના તળેટી અને પંચમહાલના અન્ય વિસ્તારોમાં પણ હોલિકા દહનની શરૂઆત કરવામાં આવી હતી.અને ભક્તોમાં એક અનોખો ઉત્સાહ અને આધ્યાત્મિક ઉર્જાનો સંચાર જોવા મળ્યો હતો.

• શ્રી કષ્ટભંજનદેવના દરબારમાં દિવ્ય રંગોત્સવ

• 51,000 કિલો ઓર્ગેનિક રંગોની થઈ હેલી

• ગુજરાતનો સૌથી મોટો રંગોત્સવ યોજાયો  

• 1.50 લાખથી વધુ ભક્તો ભક્તિના રંગે રંગાયા

• ભક્તોએ ગુલાલની છોળો વચ્ચે ધન્યતા અનુભવી   

બોટાદ જિલ્લાના ભક્તિ અને રંગોના સંગમ સમાન પવિત્ર ધામ સાળંગપુરધામમાં હોળી-ધુળેટીના પવિત્ર પર્વ નિમિત્તે શ્રી કષ્ટભંજનદેવના દરબારમાં 'દિવ્ય રંગોત્સવ'ની ઉજવણી કરવામાં આવી હતી.પ.પૂ. શાસ્ત્રી શ્રી હરિપ્રકાશદાસજી સ્વામીની પ્રેરણા અને પ.પૂ. કોઠારી શ્રી વિવેકસાગર સ્વામીના માર્ગદર્શન હેઠળ આયોજિત આ મહોત્સવમાં દોઢ લાખથી વધુ ભક્તો ઉમટી પડ્યા હતા. આખું મંદિર પરિસર 'જય કષ્ટભંજનદેવ'ના નાદથી ગુંજી ઉઠ્યું હતું. ઉત્સવની શરૂઆત દાદાની દિવ્ય આરતી અને હનુમાન ચાલીસાના પાઠ સાથે કરવામાં આવી હતી.

આ વર્ષના રંગોત્સવની ખાસિયત એ હતી કે 51,000 કિલો શુદ્ધ ઓર્ગેનિક રંગોનો ઉપયોગ કરવામાં આવ્યો હતો. લાલ, પીળો, નારંગી અને ગુલાબી એમ સાત વિવિધ રંગોની છોળો ઉડતા જાણે આકાશ ભક્તિના રંગે રંગાયું હોય તેવા દ્રશ્યો સર્જાયા હતા. ગુજરાતનો આ સૌથી મોટો રંગોત્સવ ભક્તો માટે અવિસ્મરણીય બની રહ્યો હતો.દાદાના ચરણોમાં શિશ નમાવી ભક્તોએ ગુલાલની છોળો વચ્ચે ધન્યતા અનુભવી હતી.

• 100 વર્ષ જૂની સરકારી હોળીની પરંપરા

• જિલ્લા પોલીસવડાએ કર્યું  હોલિકા પૂજન

• દ્વારકાની ભવ્ય સરકારી હોળીનું દહન

• ભક્તોએ આદ્યશક્તિ અને અગ્નિદેવના લીધા આશીર્વાદ

• આ હોળીના દહન બાદ જ અન્ય હોળી પ્રગટાવાય છે   

દ્વારકામાં ગાયકવાડ શાસનકાળથી ચાલી આવતી 100 વર્ષ જૂની હોળીની પરંપરા છે. જેની પૂજા આજે પણ જિલ્લા પોલીસવડા દ્વારા કરવામાં આવે છે.દ્વારકા પોલીસ લાઇન ખાતે આયોજિત આ ઉત્સવમાં જિલ્લા પોલીસવડા જયરાજસિંહ વાળાએ સહપરિવાર શાસ્ત્રોક્ત વિધિથી પૂજા-અર્ચના કરી આદ્યશક્તિ અને અગ્નિદેવના આશીર્વાદ લીધા હતા.

રાજવી પરંપરા મુજબ, આ હોળીના દહન બાદ જ આસપાસના વિસ્તારોમાં અન્ય હોળીઓ પ્રગટાવવામાં આવે હોય છે. દ્વારકાની શાન સમાન આ વારસો આજે પણ અકબંધ છે.દ્વારકાના સાંસ્કૃતિક વારસાની સાક્ષી પૂરતા આ પ્રસંગે વહીવટી તંત્ર અને શ્રદ્ધાળુઓ મોટી સંખ્યામાં જોડાયા હતા.

ભરૂચ જીલ્લા પોલીસ અધિક્ષક અક્ષયરાજ મકવાણા  દ્રારા અપવામાં આવેલ સુચના અધારે નાયબ પોલીસ અધિક્ષક સી.કે.પટેલ ભરૂચ વિભાગ તથા ભરૂચના પાલેજ પોલીસ મથકના પોલીસ ઇન્સ્પેકટર એ.એ.ચૌધરીએ આપેલ સુચના તથા માર્ગદર્શન હેઠળ પાલેજ પોલીસ સ્ટેશન ટીમ દ્વારા રીકવર કરેલ કિ.રૂ.૨,૫૦,૦૦૦/- ની ઇકો ગાડી મૂળ માલિકને પરત કરવામાં આવી હતી.પોલીસ દ્વારા આ કામગીરી તેરા તુજકો અર્પણ અભિયાન અંતર્ગત કરવામાં આવી હતી.

ભરૂચ ક્રાઇમ બ્રાન્ચની ટીમ જંબુસર ડીવિઝન વિસ્તારમાં હોળી-ધુળેટીનો તહેવાર નિમિત્તે ખાનગી વાહનમાં પેટ્રોલિંગમાં હતી, તે દરમ્યાન બાતમી મળી હતી કે આછોદ ગામના ક્રિકેટ ગ્રાઉન્ડની ખુલ્લી જગ્યામાં મોબાઈલ ટોર્ચના અજવાળે કેટલાક ઈસમો ભેગા થઈ પત્તાપાનાનો  જુગાર રમે છે જે મુજબની બાતમીના આધારે પોલીસે દરોડા પાડતા ત્રણ જુગારીઓને રોકડા રૂપિયા, જુગારના સાધનો સહિત કુલ કિંમત રૂપિયા ૬૮.૪૦૦/-ના મુદામાલ સાથે ઝડપી પાડયા હતા જ્યારે ત્રણ જુગારીઓને વોન્ટેડ જાહેર કરવામાં આવ્યા છે.

આ મામલામાં પોલીસે યાકુબભાઇ એહમદભાઇ પટેલ રહેવાસી, ઝંપારીયા ફળીયુ આછોદ તા.આમોદ જિ.ભરૂચ, ઈમરાન અબ્દુલ્લાહ પટેલ રહેવાસી, પાદર ફળીયુ આછોદ ગામ તા.આમોદ જિ.ભરૂચ અને મોહસીન યુસુફ પટેલ રહેવાસી, પઠાનવાડી આછોદ ગામ તા.આમોદ જિ.ભરૂચની ધરપકડ કરી છે.

ભારતીય ક્રિકેટ બોર્ડ (BCCI) દ્વારા દેશમાં તેજ ગતિના બોલરોની નવી પેઢીને નિખારવા અને આધુનિક તાલીમ આપવા માટે (Why) પૂર્વ દિગ્ગજ ઝડપી બોલર ઝહીર ખાનને (Who) એક અત્યંત મહત્વપૂર્ણ ભૂમિકા (What) સોંપવામાં આવી છે. આ નવી જવાબદારી અંતર્ગત ઝહીર ખાન બેંગલુરુ સ્થિત 'સેન્ટર ઓફ એક્સેલન્સ' એટલે કે શ્રેષ્ઠતા કેન્દ્ર ખાતે (Where) ૨૮ ફેબ્રુઆરીથી ૨ માર્ચ ૨૦૨૬ દરમિયાન (When) આયોજિત વિશેષ તાલીમ શિબિરનું નેતૃત્વ કરી રહ્યા છે. આ નિમણૂકનો મુખ્ય ઉદ્દેશ્ય રાષ્ટ્રીય ટીમ માટે આંતરરાષ્ટ્રીય સ્તરના બોલરોનો મજબૂત બેકઅપ તૈયાર કરવાનો છે. 

છેલ્લા કેટલાક સમયથી ભારતીય ક્રિકેટનું આ મહત્વનું તાલીમ કેન્દ્ર મુખ્ય બોલિંગ પ્રશિક્ષક વિના કાર્યરત હતું. અગાઉ ૬૦ વર્ષીય ટ્રોય કુલી આ પદ પર સેવા આપી રહ્યા હતા, પરંતુ ગત ડિસેમ્બરમાં તેમનો ૪ વર્ષનો કાર્યકાળ પૂર્ણ થયા બાદ આ જગ્યા ખાલી પડી હતી. જોકે મંડળ દ્વારા ૯ ફેબ્રુઆરીથી જ આ પદ માટે અરજીઓ મંગાવવાની પ્રક્રિયા શરૂ કરી દેવામાં આવી હતી, પરંતુ કોઈ યોગ્ય વિકલ્પ ન મળતા અંતે ઝહીર ખાન જેવા અનુભવી ખેલાડી પર પસંદગી ઉતારવામાં આવી છે. ઝહીર ખાનનો બહોળો અનુભવ યુવા ખેલાડીઓ માટે આશીર્વાદરૂપ સાબિત થશે.

તાજા અહેવાલો મુજબ, આ વિશેષ શિબિરમાં ભાગ લેવા માટે વિવિધ રાજ્ય ક્રિકેટ સંગઠનોમાંથી પ્રતિભાશાળી ઝડપી બોલરોના જૂથને આમંત્રિત કરવામાં આવ્યા છે. ઝહીર ખાન આ ખેલાડીઓને બોલિંગની વિવિધ કળાઓ જેવી કે સ્વિંગ, લંબાઈ અને ગતિમાં આવતા પરિવર્તનો વિશે ઊંડાણપૂર્વક સમજણ આપશે. આ આખી પ્રક્રિયા પાછળ શ્રેષ્ઠતા કેન્દ્રના વડા અને પૂર્વ ક્રિકેટર વીવીએસ લક્ષ્મણનું પણ મજબૂત સમર્થન છે. લક્ષ્મણ માને છે કે ઝહીર ખાનની હાજરીથી યુવા બોલરોમાં આત્મવિશ્વાસ વધશે અને તેઓ આંતરરાષ્ટ્રીય ક્રિકેટના દબાણને ઝીલવા માટે તૈયાર થશે.